“Wūjlepļo̧k Aolep Jetōb ko Ad,” N̄an Kōkajoorļo̧k Jodikdik ro, Māe. 2022.
M̧wen̄an eo an Ālkin Rālep in Jabōt
Wūjlepļo̧k Aolep Jetōb ko Ad
M̧ōttan ko rekadu
Juon rikaļooran Jisōs Kraist ejjab wōt juon iaan men ko rellōn̄ jej kōm̧m̧ani. Rilo̧mo̧o̧r eo ej ikdeleel eo likin kajoor an aolep men ko jej kōm̧m̧ani. …
Im ak jerbal ko im eddo ko rellōn̄ rej kōm̧m̧an bwe en poub mour ko ad? …
“Bwe Jemāmi Ilan̄ ejeļā bwe kom̧ij aikuji aolep men kein.
“A kom̧in pukot aelōn̄ eo an Anij im an wānōk, im aolep men kein renaaj lewōj n̄an kom̧” [3 Nipai 13:32–33; bar lale Matu 6:32–33].
Ak ejjab meļeļein ke epidodo. Aikuj jim̧or kaarmejet im wūjlepļo̧k.
Ej aikuj n̄an kōtļo̧k jet men ko im kōtļo̧k jet men n̄an eddōkļo̧k.
… N̄an kaarmejet ej meļeļein n̄an kōtlo̧k juon men n̄an juon men eļapļo̧k aorōk in. …
Wūjlepļo̧k ej oktak jān kaarmejet ilo juon wāween eaorōk. N̄e jej wūjlepļo̧k juon men, jej jab kōtlo̧k an jakoļo̧k ioon lokatok eo. Bōtaab, jej likūt bwe en jerbal ilo jerbal in jipan̄ eo an Irooj. Jej ajelo̧k n̄an E im un ko rekwojarjar An. …
N̄e jej lale mour ko ad im loe jibukwi men ko jej aikuj kōm̧m̧ani, jej en̄jake ad eddodo. N̄e jej loe juon men—iakwe im jerbal n̄an Anij im ajri ro Nejin, ilo jibukwi wāween ko reoktak—innām jemaron̄ lukkuun mijelo̧k ilo men ko ewōr m̧ōņōņō ie.
En̄in ej elmen ad wūjlepļo̧k aolep jetōb ko ad—ilo ad kaarmejete jabdewōt men ko rej dāpij kōj likļo̧k im wūjlepļo̧k ko jet n̄an Irooj im jibadbad ko An.