“Jemdo̧on eo ad ippān Anij,” N̄an Kōkajoorļo̧k Jodikdik ro, Māe 2022.
M̧wen̄an eo an Jibbon̄ in Jabōt
Jemdoon eo Ad ippān Anij
Mōttan ko rekadu
Jejjab aikuj ļōmņak bwe karōk eo an Anij āinwōt juon vending machine ijo jej (1) kālet juon kōjeraam̧m̧an eo jej kōņaan, (2) kadeļon̄ aolep jerbal ko rem̧m̧an me remenin aikuj, im (3) wōrtōr eo em̧ōkaj an kajju tōpar. …
Ad ukweļo̧k im pokake, en̄taan ko ad, jerbal ko ad rem̧m̧an eļap tokjeer. Jekōņaan pād ilubwiljin ro me Ether ekar kōmeļeļe kake er āinwōt “iien otemjej baptoa ilo jerbal ko rem̧m̧an” [Ether 12:4]. Ak ejjab lukkuun ļap kōnke jet rekoot ko me em̧ōj jei im kōjparoki ilo bok in jeje an selestial. Men ko eļap tokjeer kōnke rej kōm̧m̧an bwe jen bōk koņaad ilo jerbal eo an Anij im rej un ko unin ad kobaļo̧k im jerbal Ippān ilo oktak ko ad make jān piktokin armej n̄an armej ro rekwojarjar. Ta eo Jemedwōj Ilan̄ ej letok ej E make im Eo Nejin, juon jem̧jerā eo epaak im ejjeļo̧k jem̧ļo̧kin Ippāer kōn jouj im jipan̄ eo an Jisōs Kraist, ad Ripinmuur.
… Jemed ej kōņaan tōl kōj kajjojo ilo iaļan bujen eo An n̄an bun̄tōn ko kar kōm̧m̧ani n̄an aikuj ko ad kajjojo im kajejjet n̄an karōk eo An n̄an m̧ōņōnō eo eļaptata Ippān. …
Em̧ool barāinwōt, iaļ in ejjab pidodo n̄an jabdewōt iaad. Ekanooj in ļap ijo emenin aikuj n̄an kōkm̧anm̧anļo̧k im karreoiki bwe en pidodo. …
Kōn menin, ilubwiljin kijeek in kōkm̧anm̧anļo̧k im karreo in, ijjeļo̧kin ad illu ippān Anij, jen epaakeļo̧k Anij. Kūr Jemān ilo etan Nejin. Etetal Ippāer ilo Jetōb, raan n̄an raan. Kōtļo̧k bwe Ren kwaļo̧k Aer m̧ool n̄an eok. Itok ilo m̧ool n̄an jeļā Er im ilo m̧ool jeļā wōn kwe make. Anij En Anjo̧.