“Kraist Ej Kōmour Bōro ko Rerub,” N̄an Kōkajoorļo̧k Jodikdik ro, Māe 2022.
M̧wen̄an eo an Jibbon̄ in Jabōt
Kraist Ej Kōmour Bōro ko Rerub
M̧ōttan ko rekadu
Pija jān Mark Mabry
Jemaron̄ ekkatak eļapļo̧k jān jeje ko rekwojarjar kōn wāween an ad Rilo̧mo̧o̧r, Jisōs Kraist, naaj jipan̄ kōj bwe en wājepedik ad kōm̧adm̧ōdi men ko ilo mour ko ad me rerub, jekdo̧o̧n jete ad iiō. …
Ilo an Rilo̧mo̧o̧r kar katakin ilo tampeļ, juon kōrā kar bōktok n̄an E jān skraib im Parisi ro. Jejjab jeļā kōn likio in bwebwenato eo an, jejeļā wōt ke kōrā in kar “jibwe ilo ļōn̄” [Jon 8:4]…
Kar uwaak eo an Kraist n̄an kōrā in eaorōk nejin Anij “Im Ña I jab liaakḷọk eok; kwōn ilọk im jab bar jerọwiwi” [Jon 8:11]. Bar juon wāween ba “kwōn ilọk im jab bar jerọwiwi” emaron̄ bar “ilo̧k im oktak.” Rilo̧mo̧o̧r ekar karuwaineneik e bwe en ukweļo̧k. …
En̄in ej juon men ej kaleln̄o̧n̄ elōn̄ armej: “N̄a, Irooj, Inaaj jeorļo̧k bōd an ro Inaaj jeorļo̧k aer bōd, ak jān kom̧ emennin aikuj bwe kom̧in jeorļo̧k an aolep armej bōd” [Katak im Bujen Ko 64:10]. …
Jet iien jemaron̄ lo kōj make, āinwōt rikūrro eo ej kajjitōk jāān ilo kōjem̧ eo an tampeļ eo, ilo kijenmej—ak jet iien jaje kijenmej—“[kōttar] Irooj” {Aiseia 40:31]. …
Kōjerbal tōmak eo ad ilo Kraist ej meļeļein ejjab lōke wōt ankilaan Anij ak barāinwōt iien ko An. Ejeļā ta eo jej aikuji im n̄aat eo jej aikuji. …
… Ejjeļo̧k juon men ilo mour eo am̧ me erub im ej ilōn̄inļo̧k kajoor in kōmour, pinmuur, im kōmaron̄ eo an Jisōs Kraist.