“Iakwe eo Ekwojarjar ilo Karōk eo an Jemed,” N̄an Kōkajoorļo̧k Jodikdik ro, Māe 2022.
M̧wen̄an eo an Ālkin Rālep in Jabōt
Iakwe eo Ekwojarjar ilo Karōk eo an Jemed
Mōttan ko rekadu
Ilo Kabun̄ eo an Jisōs Kraist im Armej ro Rekwojarjar ilo Raan KO Āliktata, ewōr juon ad meļeļe ejeņolo̧k kōn karōk eo an Jemedwōj Ilan̄. Menin ej letok n̄an kōj juon wāween eoktak n̄an lale jibadbad eo an mour in, ekajet eo ekwojarjar n̄an ļoore, im mejān kajjik eo indeeo an aolep ajri ro nejin Anij. …
… Katak eo kar kōjepļaaktok ilo Kabun̄ eo an Jisōs Kraist ej bwe aolep ajri ro nejin Anij—ilo ejjeļo̧k kalijekļo̧k n̄an ļōmņake ijin—enaaj etal n̄an juon laļ in aiboojoj. …
… Ijo eutiejtata ej mour ijo eutiejtata ilo laļ eo an selestial, ijo jenaaj erom̧ āinwōt Jemedwōj Ilan̄ im Nejin, Jisōs Kraist. …
… Mijen eo an Kabun̄ in em̧ōj an jepļaaktok ej n̄an jipan̄ aolep ajri ro nejin Anij epenpen n̄an ta eo Anij ekōņaan kōn mejān kajjik eo aer. …
Katak eo n̄an kōj ej bwe revelesōn eo an Anij kōn mour ijo eutiej maron̄ wōt jolete jen tiljek n̄an bujen ko an m̧are indeeo ikōtaan ļeo im lieo. En̄in ej tokjen ad katakin bwe “ānbwinid jān doon ej juōn jōkjōk eo eaorōk n̄an kwaļo̧k kadkad in kajjojo ilo mour eo m̧okta, im kadkad in kajjojo ilo mour in, im kadkad eo ejjeļok jemļokin im unleplepin [“Baam̧le Eo: Juon Kean̄ n̄an Laļin” ChurchofJesusChrist.org]. .…
… N̄an keidi, jej kapene bwe kean̄ eo kōn baam̧le ej kōmeļeļeik kain jemjerā ko an baam̧le me m̧ōttan eo aorōktata an ad eddōkļo̧k indeeo emaron̄ waļo̧k. …
… Jej aikuj kappukot n̄an kwaļo̧k m̧ool kein an indeeo n̄an ro jet. Ak kōn iakwe eo jej likjab kake n̄an eo rituriid, ak aer wōt pepe. Āinwōt an juon kar rikanaan ilo Bok in Mormon katakin, jej aikuij in bun̄ m̧aanļo̧k, wōr “juon iakwe n̄an Anij im armej” [2 Nipai 31:20].