“Jerbal In Jipan̄ an Mijenede Ekar Kōjeraam̧m̧an Mour Eo Aō N̄an Indeeo,” N̄an Kōkajoorļo̧k Jodrikdrik ro, Māe 2022.
M̧wen̄an eo an Jibbon̄ in Jādede
Jerbal In Jipan̄ an Mijenede Ekar Kōjeraam̧m̧an Mour Eo Aō N̄an Indeeo
M̧ōttan ko rekadu
Ilo aō kar reilikļo̧k ilo mour eo aō, ikar maron̄ in lo jet en̄jake ko me raar kōm̧m̧an juon oktak eļap. Juon iaan en̄jake ko ej ekōjkan an jebal in jipan̄ an mijenede eo aō aolep raan āinwōt juon likao ilo England kar kōjeraam̧m̧an mour eo aō im ļōme mejān kajjik in jetōb eo aō. …
Jerbal in jipan̄ an mijenede eo aō ekar kōpooj eō n̄an erom̧ ļeo pālele em̧manļo̧k im baba im n̄an wājepedik ilo pejnej. Ekar barāinwōt kōpooj eō n̄an juon jerbal in jipan̄ to̧o̧n wōt aō mour n̄an Irooj ilo Kabun̄ eo An. …
Irooj ejeļā kajjiōm̧. N̄e kwoj etal in mijen, kwonaaj bōk en̄jake ko me renaaj jipan̄ eok em̧m̧anļo̧k am̧ jeļā Kajjien. …
Āinwōt juon Rijilōk an Irooj Jisōs Kraist, inaaj kiiō kūr kom̧ likao ro—im jiron̄ ro me rej kōņaan etal in mijen—n̄an jino kiiō n̄an kōnono ippān ro jinemi im jemāmi ikkijeen etal in mijen. Ij barāinwōt kajjitōk ippāmi n̄an kōnono ippān ro m̧ōttami ikkijeen etal in mijen, im eļan̄n̄e juon iaan ro m̧ōttami ejjab kanooj jeļā kōn jerbal in mijinede, kōketak er n̄an kōnono ippān bisop eo aer.
Kallim̧uri kom̧ make im n̄an Jemedwōj Ilan̄ bwe kom̧ naaj etal in mijen im bwe jān iien in m̧aanļo̧k kom̧ naaj kajjieon̄ n̄an kōjparok wōt erreo eo an būruōmi, peimi, im ļōmņak ko ami im erreo. Ij kajjitōk ippāmi n̄an bōk juon naan in kam̧ool kōn gospel eo an Jisōs Kraist me ekar kōjepļaaktok. …
Ij jar bwe kom̧ likao ro im jiron̄ ro im ro jinemi im jemāmi naaj lo im jeļā ekōjkan an jerbal in jipan̄ an mijenede naaj indeeo kōjeraam̧m̧an mour eo ami.