“Bwilōn̄ kōn Jisōs Kraist im Gospel eo An,” N̄an Kōkajoorļo̧k Jodrikdrik ro, Māe 2022.
M̧wen̄an eo an Ālkin Rālep in Jabōt
Bwilōn̄ kōn Jisōs Kraist im Gospel eo An
M̧ōttan ko rekadu
Ikar kejokļo̧kjeņ kōn ewi jon̄an menin bwilōn̄ ko an jetōb, āinwōt kōnono kake, me jemaron̄ im jej aikuj en̄jake kōn gospel eo an Jisōs Kraist im oktak ko emaron̄ kōm̧m̧an ilo ad mour āinwōt rikaļoor im ilo iaļ in ad ļo̧k n̄an mour indeeo. …
… Men eo eļap ilo kijejeto ko ad ilo iaļ in rej, em̧ool, kien ko ruo reļļap: n̄an iakwe Irooj ad Anij im iakwe ro rūtūrid āinwōt kōj make. …
… Kōn menin, n̄e jej lukkuun kōttōpar im m̧ool ilo ad wūjlepļo̧k kōj make n̄an reilo̧k n̄an E im ekkatak jān waanjon̄ak eo An ewāppen, enej em̧m̧an ad jeļā eļapļo̧k kōn E. Jej eddōkļo̧k ilo itok limo im ikdeleel n̄an kobaiki bwe en m̧ōttan mour ko ad jon̄ak ko routiej kōn wāween ad aikuj mour, waanjon̄ak ko jej aikuj kwaļo̧ki, im kien ko jej aikuj ļoori. …
Ro m̧ōtta jitōnbōro, aolep men kein rej kōkajoorļo̧k bwilōn̄ eo ad ilo jetōb kōn gospel eo im ej kōm̧akūt kōj n̄an lan̄lōn̄ ilo ad dāpij bujen ko jej kōm̧m̧ani ippān Irooj—ilubwiljin mellijon̄ im idajon̄jon̄ ko jej iooni. …
… Ij jar bwe jenaaj aolep jutak pen ilo ad bwilōn̄ kōn Jisōs Kraist im iakwe eo An elikio, ejjeļo̧k jem̧ļo̧kin, im ewāppen. Jen keememej ta ko mejād rekar loi im buruōd rekar ļap aer en̄jake bwilōn̄ in kōn katok in pinmuur eo an Jisōs Kraist, eo emaron̄ kōmour kōj jān kinej ilo jetōb im en̄jake im jipan̄ kōj epaakeļo̧k E.