“Oktak Ekkar n̄an Ankilaan Anij” N̄an Kōkajoorļo̧k Jodikdik ro, Māe. 2022.
M̧wen̄an eo an Ālkin Rālep in Jādede
Oktak Ekkar n̄an Ankilaan Anij
M̧ōttan ko rekadu
Ilo aolepān iiō in jerbal im ekatak kōn jetōb, ekōm̧m̧an menin aō meļeļe ke n̄e jej m̧ool in oktak ej kōnke emōj ar jeļā im mour ekkar n̄an kōņaan eo an Anij im Jetōb Kwojarjar emaron̄ tōl kōj ilo makūtkūt ko ad. …
Ta eddo ko rej wōnm̧aanļo̧k jān ad oktak? …
… Rilo̧mo̧o̧r emeanwōd im ej kūr kōj bwe jān Ainikien im Pein. Iakwe eo an Rilo̧mo̧o̧r enaaj meram in tōl eo ad. Rilo̧mo̧o̧r ekar katakin rikaloor ro An, “Kom̧win ilo̧k, im kōm̧m̧an ri aelōn̄ ko otemjej bwe ren ri kaļora” [Matu 28:19]. Im n̄an Josep Smith, E ar jiron̄ e, “Kwaļo̧k naan kōn gospel eo Aō n̄an aolep armej ro rejjan̄in kar bōk e” [Katak im Bujen Ko 112:28]. …
Kōn kakkien eo an Rilo̧mo̧o̧r n̄an kwaļo̧k gospel eo ej m̧ōttan wōn kōj rainin, jej aikuj in oktak n̄an ankilaan Anij; jej aikuj iakwe ro rūtūrid, kwaļo̧k kōn jeplaaktok eo an gospel eo an Jisōs Kraist, im karuwainene aolep n̄an itok im lale. …
Oktak eo ad make ej kobaik eddo ko ad n̄an kwaļo̧k gospel eo an Jisōs Kraist n̄an lal in.
Kōjeraam̧m̧an ko kōn kwaļo̧k gospel eo ekobaļo̧k kōļapļo̧k oktak n̄an ankilaan Anij im Anij en anjo̧ ilo mour ko ad. Jej kōjeraam̧m̧an ro jet bwe ren en̄jake juon “oktak in ekajoor” ilo bōro ko kajjojo” [Alma 5:14]. Em̧ool ewōr juon lan̄lōn̄ ejjeļo̧k jem̧ļo̧kin eļan̄n̄e jej jipan̄ boktok ro jet n̄an ippān Kraist. Jerbal n̄an oktak ko ad make im an ro jet ej juon jerbal em̧m̧an.