“Kōm̧m̧ane Men eo Eaorōktata,” N̄an Kōkajoorļo̧k Jodikdik ro, Māe 2022.
M̧wen̄an eo an Kweilo̧k eo Eļap an Kōrā ro
Kōm̧m̧ane Men eo Eaorōktata
M̧ōttan ko rekadu
Erom̧ āinwōt juon rikaļoor an Jisōs Kraist ekūtbuuj eļapļo̧k jān kōjatdikdik im tōmak. Ej kūr n̄an kijejeto, m̧akūtkūt, im m̧ool. Ekōm̧m̧an bwe jen kōm̧m̧an eļapļo̧k. …
Ilo kijejeto eo ad n̄an kōm̧m̧ane juon men, ak kōm̧m̧ane jabdewōt, jemaron̄ kajjitōk ippād make, “Ta men eo eaorōktata?” …
-
Ewi jon̄an “em̧m̧an ko” jej bōk ilo men ko jej post ilo social media? Ak ewi jon̄an an Jemedwōj Ilan̄ iakwe im kaorōk kōj?
-
Ekkōņak nuknuk ko rekāāl tata ilo jitaeļ? Ak kwaļo̧k kautiej n̄an ānbwinid ilo ad ekkōņak nukuk ko rekarbōb?
-
Kappukōt uwaak ko kōn juon jikin kappukōt ilo intōrnet? Ak bōk uwaak ko jān Anij kōn Jetōb Kwojarjar?
-
Kōņaan eļapļo̧k? Ak jum̧aik ta eo ewōr ippād? …
… Gospel eo an Jisōs Kraist ej juon gospel in jerbal im juon gospel in lan̄lōn̄! Jen jab kajejtokjen maron̄ eo ad n̄an kōm̧m̧ane men ko me reaorōktata. Jem̧ļo̧k eo ad ekwojarjar ej letok n̄an kōj kajoor im peran n̄an kōm̧m̧ane im erom̧̧ aolepān ta eo Jemedwōj Ilan̄ ekōņaan bwe jen erom̧̧. …
… Im ejjab kōn kōm̧m̧an eļapļo̧k. Ej kōn kōm̧m̧ane ta eo eaorōktata. Ej mour kōn pedped in katak ko an Kraist ilo mour ko ad ilo ad kate kōj n̄an erom̧̧ eļapļo̧k āinwōt E. …
Ilo ad likūt mour ko ad ilo Jisōs Kraist, enaaj tōl kōj n̄an kōm̧m̧ane men ko raorōktata. Im jenaaj jeraam̧m̧an kōn kajoor ilo jetōb, aenōm̧m̧an, im kōn lan̄lōn̄!