“A Kōm Ar Jab Eo̧ron̄ Er,” N̄an Kōkajoorļo̧k Jodikdik ro, Māe 2022.
M̧wen̄an eo an Jibbon̄ in Jādede
A Kōm Ar Jab Eo̧ron̄ Er (1 Nipai 8:33)
M̧ōttan ko rekadu
Naan in eoron̄ meļeļeļin n̄e jej kile ak n̄e jej leļo̧k ad n̄an juon armej ak juon men. …
Pedped in tōmak ilo Kraist ej jeje “a kōn Jetōb an Anij emour … a ilo [būruōd] tebōļ in kanniōk ko” [2 Korint 3:3] ej kōļapļo̧k maron̄ eo ilo kōj n̄an “jab eo̧ron̄” mennin kōm̧ad ko, naan in kallulu ko, im mennin kapan̄pan̄ ko ilo laļ in ad me jej wōtļo̧k im likjab ie. …
Mour kake im iakwe kallim̧ur in bujen ko ej ejaake juon jem̧jerā ippān Irooj me elukkuun m̧wūlaļ ippān an kajoor ñan kōj make im kajoor in jetōb. …
Bujen eo ad ej koneeke kōj ippān Anij im Jisōs Kraist ej juon iaļ eo me jemaron̄ bōke maron̄ im kajoor eo n̄an “jab eo̧roñ.” Im jem̧jerā in ej kajoor ilo ad wōnm̧aanļo̧k im jirok aen in dāpdep eo. …
Ij ba waj bwe n̄e jej jirok likatōttōt ilo naan an Anij enaaj kōm̧m̧an bwe jen (1) keememej, kautiej, im kōkajoorļo̧k koneekjen eo ad ippān Rilo̧mo̧o̧r im Jemān ikkijeen bujen ko im kain̄i ko an gospel eo me em̧ōj an jepļaaktok, im (2) jar, kōn aolepān ad, im en emakijkij ad kōjerbal jeje ko rekwojarjar im katak ko an rikanaan ro remour im rtiljek ro rej jipan̄ kwaļo̧k kōn m̧ool eo. …
Wōm̧aanļo̧k wōt. Jirok likatōttōt. Jab Eo̧roñ.
Ij kam̧ool bwe eļan̄n̄e jenaaj m̧ool n̄an bujen im kain̄i ko an gospel eo an Rilo̧mo̧o̧r me em̧ōj an jepļaatok n̄an kōj wōnm̧aanļo̧k wōt ilo jerbal an Irooj, n̄an jirok likatōttōt n̄an E āinwōt Naan in Anij, im n̄an jab eo̧ron̄ menin kapo ko an rikapo eo.