“Fakafehokotaki,” Ki Hono Fakamālohia ʻo e Toʻu Tupú, Sune 2022.
Fakafehokotaki
Vavala C. mo ʻĪvana V.,
16 mo e 15, ʻIukuleini
Laʻitā naʻe ʻomi ʻe he fāmilí
Mālō e Lelei! Ko e ongo tautehina kimaua mei ʻIukuleini. ʻI heʻema hoko ko e ongo mēmipa pē ʻo e Siasí ʻi homau ʻapiakó, ʻokú ma maʻu ai ha ngaahi faingamālie lahi ke fakaafeʻi ha ngaahi kaungāmeʻa ki he ngaahi ʻekitivitī ʻa e Siasí mo akoʻi kinautolu fekauʻaki mo ʻetau ngaahi tuʻunga moʻuí. ʻOkú ma fakatou saiʻia he hulohulá, ka ʻoku ako hulohula ʻemau kulupú he taimi ʻe niʻihi ʻi he ʻaho Sāpaté. ʻI he taimi ʻokú ma fakamatalaʻi ai ki homa ngaahi kaungāmeʻá ʻoku ʻikai ke ma kau atu ki he ngaahi ako hulohula ʻo e Sāpaté koeʻuhí ko e lotú, ʻoku nau fai mai ha ngaahi fehuʻi.
Vavala: Kapau ʻoku ʻikai lelei ho ʻahó, te ke lava ʻo lau e Tohi ʻa Molomoná mo kumi tokoni. ʻI ha taimi ʻe taha lolotonga ʻeku laukongá, naʻá ku maʻu ha potufolofola naʻe tatau tofu pē mo hoku ʻahó mo e tuʻunga totonu ne u ʻi aí. ʻOku ou saiʻia ʻi he ongo mo e ʻātakai ʻo e lotú. ʻOku ou saiʻia foki ʻi hono hivaʻi e ngaahi himí he ʻokú ne tokoniʻi au ke u ongoʻi ʻa e Laumālié.
ʻĪvana: ʻOku ʻikai ke u fakakaukau ʻoku fakangatangata pe faingataʻa ʻa e ngaahi fekaú. Ka, ʻoku ou sio ki he ngaahi tāpuaki ʻoku maʻu mei aí, tautautefito ki he Lea ʻo e Potó. ʻI ʻIukuleiní, ʻoku inu kava mālohi ha toʻu tupu tokolahi. ʻOku ou ngāue ʻi ha fale tauhiʻanga ʻo e fanga hōsí, pea ʻi he taimi ʻoku ʻomi ai ʻe heʻeku kaungāngāué ʻa e kava mālohí, ʻoku ou talaange ʻoku ʻikai ke u maʻu kava mālohi. Kuo teʻeki ai ke nau fakasiʻia ai au. Naʻá ku tuʻu maʻu ʻi heʻeku tuí pea ʻikai tō ki he ʻahiʻahí. ʻOku ou ʻiloʻi ʻoku ʻikai ke u tuenoa. ʻOku poupouʻi au ʻe he Tamai Hēvaní ʻi he faʻahinga taimi pē ʻoku ou faingataʻaʻia aí.