Kiʻi Taimi Fiefiá

Taʻofi e Kau Kaihaʻá!

ʻOku lolotonga maluʻi ʻe he kolo ʻIsileli ko ʻení ʻa hono ngaahi holisi ʻi tuʻá mei hano ʻohofí. ʻOku ʻi ai ha kau leʻo ʻe toko tolu ʻoku nau leʻohi e holisi takitaha (ʻoku leʻohi ʻe ha kau leʻo ia ʻe niʻihi ha holisi ʻe taha pe lahi ange). ʻOku nau pehē ʻoku nau fie maʻu ha kau leʻo ʻe toko fā ʻi he holisi takitaha ka he ʻikai lava ke toe tānaki atu ha kau leʻo kehe.

Te nau lava fēfē ʻo fakahoko ʻení? Fokotuʻutuʻu ʻa e pāsoló ʻaki ha ʻū peni vahevahe, ngaahi foʻi masi, pe vaʻakau. Fakaʻaongaʻi ha fanga kiʻi foʻi maka iiki pe ngaahi kongokonga kehe ke fakafofongaʻi e kau leʻó.

Ngaahi tā fakatātā ʻa Josh Talbot

Okooko pea ʻAlú

Ko e okookó ko ha lao ia ʻi he kuonga ʻo e Fuakava Motuʻá naʻá ne fakaʻatā e kakaí ke nau tānaki e meʻakai naʻe toe ʻi he hili ʻa e ʻuluaki ututaʻú.

Ko e fē hala ʻoku lahi taha ai ʻa e kēlení kimuʻa pea toki aʻu ki he haʻinga ʻi lotomālié? Kuo pau ke ʻosi ia ki he haʻingá kae ʻikai kolosi ai. ʻIkai ngata aí, he ʻikai lava ke ke fakaʻaongaʻi tuʻo ua ha konga hala tatau, neongo te ke lava ʻo kolosi ʻi ha konga kuó ke ʻosi fakaʻaongaʻi.

Vaʻinga Fakataha, Māvahevahe

Kuó ke fanongo nai ʻi he “veimau fetohiʻakí” (pe veimau ʻi he meilí)? Kuo laui senituli hono fakahokó! Naʻe takitaha fokotuʻutuʻu ʻe ha ongo vaʻinga ha papa veimau ʻi ʻapi pea meiliʻi tahataha ʻena feʻunuʻakí he taimi ʻe taha.

ʻI he ʻaho ní, kuo tau maʻu e kalasi kehekehe ʻo e ngaahi meʻangāue fetuʻutakí ke fetuʻutaki mo e kakaí ʻi he taimi ʻoku ʻikai lava ke tau fakataha aí. Ko ha ngaahi fakakaukau ʻeni ʻe niʻihi ki he ngaahi ʻekitivitī ʻoku fakahoko vā mamaʻó.

Veimau fetohiʻaki. Feʻaveʻaki e ngaahi feʻunuʻakí ʻi ha founga pē ʻoku mou loto ki aí. Fepōtalanoaʻaki Vitiō? Pōpoaki Telefoni? Drone?!

Tā Fakatātā. Mou takitaha tā ha konga ʻo ha fakatātā (fakaʻilekitulōnika pe ʻi ha pepa) pea ʻave leva ia ki he tokotaha ʻe tahá ke ne hoko atu.

Pāsolo Fokotuʻutuʻú. Te mou takitaha lava ʻo fakatau ha tatau ʻo e pāsolo tatau pea feʻaveʻaki ha ngaahi fakatātā ʻo e tuʻunga ʻoku mou ʻi aí. Pe ko hano ʻuluaki fakakakato ʻe ha tokotaha ha pāsolo ʻe taha pea vaeua fakalelei ia ʻo ʻave ki ha toko ua kehe.

Ngaahi founga feimeʻatokoní. Te mou takitaha ngaohi e meʻatokoni tatau ʻi he taimi tatau. Feʻaveʻaki ha ngaahi fakatātā pe vitiō ʻi he lolotonga mo e ʻosi hono ngaohí.

Laukonga. Taufetongi ʻi hono lau leʻolahi ha vahe ʻo e tohi tatau pē. ʻAve ha ngaahi lekooti pe mamata hangatonu ai.

Faʻu ha ngaahi talanoa pe maau. Taufetongi ʻi hono hiki ha konga ʻo ha talanoa pe ko ha laine pe veesi ʻo ha foʻi maau.

Fanga Kiʻi Fakakatá

Sai, Tēvita, kapau he ʻikai te ke tui ha taha ʻo e teunga taú, pea toʻo pē ā ʻē!

Val Chadwick Bagley

Ngaahi Talí

Taʻofi e Kau Kaihaʻá!:

Okooko Pea ʻAlu: Halanga A