« Tū’atira’a », Nō te Pūai o te Feiā ’Āpī, Tiurai 2022.
Tū’atira’a
Ana Julia A.
17, São Paulo, Peretīria
Hōho’a nā Leonardo Conceição Motta
Tē ora nei au i roto i te vāhi ta’ata roa a’e o tō’u fenua. Mea au nā’u ’ia ora i’ō nei ’e ’ia ’ite i te mau vāhi ’āpī ’e tō’u ’utuāfare. Tē ora nei au i pīha’i iho i tō’u nā metua, tō’u tuahine teina, ’e tā mātou ’ūri, ’o Meghan. E mea au nā’u e pārahi i pīha’i iho ia rātou. E ’ata’ata noa mātou ’e e tāmata ho’i i te rave i te mau ’ohipa ’āpī ’e te au maita’i. E mea au a’e nā mātou te tahi mau ’ohipa i te tahi atu, terā rā e vai noa mai ia mātou ’e ’a muri noa atu te mau ’ohipa i tupu.
Tei roto vau i tā’u matahiti ha’api’ira’a hope’a, ’e tē fa’aineine nei au nō te mau hi’opo’ara’a. E ri’ari’a ri’i au, tē ti’aturi nei rā vau i te Fatu nō te tauturu mai iā’u ’ia upo’oti’a i ni’a i te reira.
E mea au nā’u ’ia haere i te purera’a i te mau sābati ato’a. E rave rahi feiā ’āpī i roto i tā’u pāroita, nō reira, e mea ’ārearea roa te mau ’ātivite. Tē tauturu nei te feiā ’āpī ’āti a’e iā’u ’ia vai pāpū noa i roto i te ’evanelia. E nehenehe au e parau ē, e fa’aro’o rahi tō rātou.
Tē fa’aineine nei au nō te tāvini i te hō’ē misiōni. Tē hina’aro nei au e fa’a’ite i te ’evanelia ia vetahi ’ē mai tā te mau misiōnare i nā reira nō tō’u ’utuāfare. ’Ua ’ite au ē, e taui te reira i tō rātou orara’a ’e i tō’u ’e ’a muri noa atu. Tē māuruuru nei au ’ia ’ite ē, e nehenehe au e fāri’i i te hō’ē ’utuāfare mure ’ore.