“Isumpay,” Alang sa Kalig-on sa mga Kabatan-onan, Ago. 2022.
Isumpay
Daniel F.
17, Madrid, Spain
Paglitrato ni Fernando J. Calderón
Natawo ako sa Dominican Republic. Apan sa edad nga 15, sa dihang nagdiborsiyo ang akong mga ginikanan, mibalhin ako ngadto sa Spain sa pagpuyo uban sa akong mama. Nagustohan ko ang Spain tungod sa makalingaw nga mga dapit ug lami nga pagkaon––ilabi na sa churros.
Mipasakop ang akong mama sa Simbahan sa wala pa ako moipon kaniya. Kanunay siya nga adunay Basahon ni Mormon sa among balay. Busa usa ka adlaw niana misugod ako sa pagbasa, ug sa tinuod ako mipakigsama ni Nephi. Misimba ako, ug ako mibati sa Espiritu didto. Nahibalo ako nga ang Simbahan tinuod, ug ako hilabihan ka malipayon nga nabunyagan sa edad nga 16.
Ako nakakita sa lig-ong epekto sa pagkabinunyagan ug sa pagbaton sa gasa sa Espiritu Santo diha sa akong kinabuhi. Ang akong bishop nagtabang kanako sa pag-andam sa pagserbisyo og usa ka misyon, ug mao pa lamang ang akong pagkadawat sa akong rekomend sa templo.
Ako lamang ang priest sa akong ward, busa nagpanalangin ako sa sakramento kada semana. Ginerbiyos ako og gamay sa unang higayon tungod kay ang atensiyon sa tanan diha kanako. Apan ako mipraktis ug nag-ampo nga tabangan ako sa Dios nga dili mobati kaayo og kanerbiyos.
Nahibalo ako nga ako nagmalipayon tungod sa ebanghelyo ni Jesukristo.