“Usa ka Ngalan matag Higayon,” Alang sa Kalig-on sa mga Kabatan-onan, Ago. 2022.
Usa ka Ngalan matag Higayon
Ang pagsugod sa indexing malisod! Apan si Michelle misugod sa pagkamatikod og wala paabota nga mga panalangin samtang siya mipadayon.
Mga litrato ni Cody Bell
Natawo si Michelle nga may VACTERL nga may kalabotan sa nagkadaghang tubig sa utok (hydrocephalus). “Kini nagpasabot nga siya adunay daghang problema sa kahimsog,” nag-ingon ang iyang mga ginikanan. “Apan kon madunggan ni Michelle nga adunay usa ka butang nga pagabuhaton, mangita siya og paagi.”
Sa dihang si Presidente Nelson mihangyo sa mga kabatan-onan sa pagtabang og pundok sa Israel kaniadtong 2018, si Michelle T. sa Oregon, USA, naminaw og maayo.1
Dayon siya mihukom sa pagtubag sa hagit.
Hapit dihadiha dayon, bisan pa niana, miatubang siya og mga kakulian. Gusto ni Michelle nga mosugod sa pag-indexing, apan bisan tuod anaa ang iyang numero sa pagkamiyembro, dili siya maka-sign up. Wala makahimo bisan sa tabang sa iyang mga ginikanan, ug wala makahimo bisan sa tabang sa iyang mga apohan ( ug sila dako kaayo nga mga uyon sa family history!).
Bisan human sa pag-adto ngadto sa duol nga family history center, sa gihapon walay nahitabo. Kini, lain pay ato, hilabihan ka dili sagad! Sa kasagaran kini usa ka yano ra nga proseso. Sa dihang ang mga boluntaryo sa family history center sa kataposan nakahimo ni Michelle sa pag-sign up ug pagtrabaho, mitan-aw sila kaniya ug miingon, “Tingali ikaw gituyo alang sa importanting mga butang sa family history, tungod kay giatubang nimo ang daghang mga oposisyon sukad pa sa sinugdanan!”
Siya sa tinuod nakahimo na sa importanting mga butang sa family history. Sa pagkatinuod, usa ka video nga iyang gipakigbahin atol sa Roots Tech 2021 natapos ingon nga #1 nga gitan-aw nga video gikan sa komperensiya. Siya adunay makadasig nga istorya nga ikasulti! Ug kini nahimo lamang nga mas makadasig sukad niana.
Dili makasulti si Michelle, busa naggamit siya og text diha sa iyang telepono sa pagpakigsulti.
Usa ka Gamay nga Sinugdanan
Sa una, mihukom si Michelle sa pagbuhat og usa o duha ka pundok sa mga ngalan kada Dominggo sa gabii. Mipasakop siya og usa ka video call uban sa iyang mga apohan aron sila makatabang sa pagtudlo kaniya unsaon pagbuhat niini.
“Kini malisod!,” siya miingon. “Ang pinakatay nga sulat malisod!”
Hinoon, dili siya magpahadlok. Si Michelle mipadayon niini. Samtang siya misugod sa pagkat-on og dugang pa ug nagkamaayo, mihukom siya sa paghimo og tumong sa pag-indexing og 1,000 ka ngalan sa 2019.
Human makuha ang tumong, mihimo siya og mas mahagitong tumong alang sa 2020––ilabi na human sa pag-igo sa pandemya ug siya dihay mas daghang panahon nga mapuslan. Sa wala madugay siya nag-indexing ingon kadaghan sa 1,000 ka ngalan kada bulan!
Samtang siya nagpadayon sa pag-indexing, sa ginagmay misugod sa pagkamatikod si Michelle og usa ka butang nga maka-interes sa iyang kinabuhi––ang mga butang yano lamang nga nagkamaayo.
Usa ka Dakong Kausaban
“Nagsugod ako sa pagkamatikod og mga kalainan sa akong kinabuhi,” nag-ingon si Michelle. Gibati nako ang mas kahimsog. Mas maloloy-on ako ngadto sa akong pamilya. Gibati nako nga mas kalma ug mas malinawon. Ako mas malipayon! Gusto kong mobuhat og daghan pang mas maayo nga mga butang. Gibati nako nga mas kusog kaayo ang Espiritu! Ang indexing wala lamang magtabang kanako, kini nagtabang sa uban.”
Si Michelle malingaw sa pagpanahi ug paghudno alang sa iyang pamilya. “Kini makalingaw gyod kaayo sa pagtan-aw kanila nga nalingaw sa tanang mga butang nga ako nagtabang sa pagmugna,” nag-ingon siya.
Usa sa ubang maayo nga mga butang nga misugod sa pagkahitabo mao ang nagtubo nga abilidad sa pagpunting diha sa iyang ubang espirituhanong mga tumong. “Mas nagbasa ako sa mga kasulatan, ilabi na sa Basahon ni Mormon,” nag-ingon si Michelle. “Misugod usab ako sa pagtuon sa akong Dominggo nga mga leksiyon sa simbahan kada semana sa wala pay klase aron ako maandam alang sa mga panaghisgotan. Ang pagkat-on mahitungod sa akong family history nahimong importante ngari kanako uban sa pagbisita sa templo.”
Ang kinabuhi mahimong magkapuliki. Daghang mga butang ang makababag! Apan si Michelle nakakat-on sa mga panalangin nga miabot gikan sa paggahin og igong panahon sa pagbuhat og family history nga buhat. “Sa dihang ako misugod sa pag-indexing, misugod ako sa pagbati og dako kaayong kalinaw,” nagpasabot siya. “Dayon misugod sa pagkamatikod ang akong pamilya sa kalinaw nga akong gibati ug kini misugod sa pagdagayday ngadto sa tanang sakop sa akong pamilya. Ang among tibuok nga panimalay mibati lamang og mas kahilom ug kalinaw, ug kini kahibulongan. Si Jesukristo ang tinubdan sa kalinaw. Pinaagi sa paglihok sa buluhaton nga ako gitawag sa pagbuhat, akong nadawat ang usa ka panalangin sa kalinaw, ang matang sa kalinaw nga ang Manluluwas lamang ang makahatag. Ang labing maayo nga bahin mao ang makahimo sa pagpakigbahin niana nga panalangin ngadto sa uban.”
Gusto ni Michelle nga motudlo sa uban kon unsaon pagbuhat sa family history.
Usa ka Paagi sa Pagtabang sa Uban
Sa klaro, personal nga gibati ni Michelle ang mga panalangin kon giunsa sa indexing pagpanalangin ang iyang kinabuhi. Siya usab adunay usa ka pagpamatuod kon sa unsang paagi ang iyang mga paningkamot makapanalangin usab og daghang uban nga mga kinabuhi sa duha ka bahin sa tabil.
Usa ka kasinatian nga iyang gusto nga ipakigbahin sa pagtudlo niini nga punto mao nga ang iyang apohang babaye nagpangita alang sa usa ka piho nga katigulangan sulod sa dugay na nga panahon, nga walay kalamposan. Dayon sa miagi nga pipila ka tuig, usa ka tawo mi-index sa ngalan niini nga sakop sa pamilya. Kana mao ang tanan nga nahimo alang sa apohang babaye ni Michelle aron makaplagan kini nga katigulangan sa kataposan!
“Kana nga istorya nag-awhag kanako,” nag-ingon si Michelle. Gagmay nga mga lakang nagsumpay og daghang mga tulbok ug nagpanalangin sa daghang mga kinabuhi.
Usa ka Paagi sa Pagsugod
Sayon ba ang pagsugod ug pagkaplag og panahon alang sa family history? Aw, dili. Sa labing minos dili sa kasagaran. Kadaghanan kanato gikinahanglang mousab og pipila ka butang aron makagahin og panahon. Apan dinhi, usab, si Michelle adunay pipila ka giya sa pagpadayon.