Dali, Sunod Kanako

Mga Salmo

15 ka Salmo alang sa Hingpit nga Kalipay

Ni David Dickson

Mga Magasin sa Simbahan

Aniay pipila ka salmo nga daling magamit kon ang kinabuhi magkalisod.

15 ka paghulagway nga nagrepresentar sa 15 ka salmo

Mga paghulagway ni Mitch Miller

Ang mga kasulatan puno sa kahupay ug ebidensya sa gugma sa Dios. Uban sa daghan kaayo nga makabayaw nga mga kasulatan nga kapilian, bisan gikan lamang sa basahon sa Salmo (diin ikaw mahimong magtuon niini nga bulan isip usa ka bahin sa Dali, Sunod Kanako), aniay pipila nga kasandigan sa panahon nga ikaw nanginahanglan og pagbayaw.

Kasulatan nga mga Pagpadasig sa Buot

1. Nagsinati ka ba og panahon sa kaguol o kasakit?
   “Ang paghilak mopabilin sa kagabhion, apan ang kalipay moabot sa kabuntagon’ (Salmo 30:5).

2. Ang kalibotan ba ingon og makahadlok usahay?
   “Oo, bisan magalakaw ako latas sa walog sa landong sa kamatayon, ako walay kahadlok sa bisan unsa nga dautan: kay ikaw nagauban kanako; ang imong baras ug ang imong sungkod kini nagapalig-on kanako” (Salmo 23:4).

3. Alang niadtong mga adlaw nga ikaw nagpas-an og mabug-at nga mga palas-anon:
   “Itugyan mo sa Ginoo ang imong palas-anon, ug siya magasapnay kanimo” (Salmo 55:22).

4. Ang mga lihok sa ubang mga tawo nakapabalaka ba kanimo sukad?
   “Ang Ginoo kadapig kanako; dili ako mahadlok: unsay arang mabuhat sa tawo kanako?” (Salmo 118:6).

5. Ikaw ba wala makasiguro kon unsay sunod nga buhaton sa imong kinabuhi?
   “Ang pulong sa [Dios] maoy lamparahan sa akong mga tiil, ug kahayag sa akong alagianan” (Salmo 119:105).

6. Kon ikaw magkulang sa imong mga tumong:
   “Buhatan mo ako og usa ka ulay nga kasingkasing, O Dios; ug bag-oha ang usa ka espiritu nga matul-id sa sulod nako”(Salmo 51:10).

7. Gibati ba nimo sukad nga ingon og ikaw walay kadangpan alang sa panabang?
   “Ang akong tabang nagagikan sa Ginoo, nga nagbuhat sa langit ug yuta” (Salmo 121:2).

8. Kon ang mga unos sa kinabuhi moulbo sa kasuko:
   “Magaingon ako mahitungod sa Ginoo, Siya mao ang akong dalangpanan ug kota nako: Dios ko; nga kaniya misalig ako” (Salmo 91:2).

9. Nagkinahanglan ba ikaw og tabang sa pagbuntog sa kahadlok?
   “Gipangita ko ang Ginoo, ug gitubag niya ako, ug giluwas niya ako gikan sa tanan ko nga mga kahadlok” (Salmo 34:4).

10. Kon imong gibati nga nahugno ang lawas o espiritu:
    “O Ginoo akong Dios, kanimo nagtuaw ako, ug ikaw nag-ayo kanako” (Salmo 30:2).

11. Gibati ba nimo nga ikaw mawad-an na sa imong kalig-on?
    “Natunaw ang akong kalag tungod sa kaguol: lig-ona ako sumala sa imong pulong” (Salmo 119:28).

12. Ang uban ba nagbugalbugal kanimo?
    “Kanimo mituaw ako, O Ginoo: ako miingon, Ikaw mao ang akong dalangpan. … Luwasa ako gikan sa akong manlulutos” (Salmo 142:5–6).

13. Kon ikaw nanginahanglan og pahinumdom sa kalooy sa Ginoo:
    “Ang Ginoo maloloy-on man ug puno sa grasya, mahinay sa pagkasuko, ug madagayaon sa mahigugmaong kalolot” (Salmo 103:8).

14. Kon ikaw naguol nga dili ka maantigo o maalamon kaayo:
    “Ang pagkahadlok [o balaang pagtahod] sa Ginoo mao ang sinugdanan sa kaalam” (Salmo 111:10).

15. Matinabangong paggiya alang ni kinsa nga dili maminaw ngadto sa tambag:
    “Bulahan ang tawo nga wala nagalakaw sa tambag sa dautan, ni magatindog sa dalan sa mga makasasala, ni magalingkod sa mga lingkoranan sa mga mayubiton” (Salmo 1:1).

Hain niini nga mga salmo ang nagdasig kanimo? Makahimo ka og poster o makapa-imprinta niini ug ibitay kini diin imong makita kini kanunay.

Unsa ang pipila sa imong paborito nga mga Salmo? Padalhi kami sa imong nag-unang mga gipili, uban sa usa ka mubong pagpasabot kon nganong kini may dakong kahulogan kanimo. I-email kini ngadto sa [e-mail].