Direkta sa Punto

Nganong nagtugot ang Dios sa daotang mga butang nga mahitabo ngadto sa buotang mga tawo?

Ang Nabanhaw nga Kristo, ni Wilson Ong

Sa pag-atubang sa walay kaangayan sa kinabuhi, nagkinahanglan kita og panglantaw ug hugot nga pagtuo.

Ang panglantaw moabot gikan sa pagsabot sa plano sa Langitnong Amahan. Mahangturon kita nga mga binuhat kinsa gitugotan sa pag-anhi sa kalibotan aron kita mahimong mas mahisama sa Langitnong Amahan. Samtang ania kita dinhi, nagsinati kita og tintasyon, kasakit, sakit, ug pag-antos. Ang pipila ka mga pag-antos moabot tungod kay ang Dios nagtugot sa mga tawo sa ilang kabubut-on, ug ang pipila sa mga pagpili makadala og pag-antos nganha sa ilang mga kaugalingon o sa uban. Sa ubang mga higayon mahimong wala kita mahibalo sa eksakto kon nganong ang mga tawo mag-antos. Apan kita nahibalo nga sa plano sa Langitnong Amahan, kining mga butanga makahatag kanato og kasinatian ug mahimong alang sa atong kaayohan diha sa kataposan (tan-awa sa Doktrina ug mga Pakigsaad 122:7).

Nabuntog ni Jesukristo ang tanang mga butang pinaagi sa Iyang Pag-ula ug Pagkabanhaw. Samtang kita nagtan-aw sa walay kaangayan niini nga kinabuhi, kita makagamit og hugot nga pagtuo diha Kaniya ug diha sa plano sa atong Langitnong Amahan. Kita makasalig nga tarongon sa Manluluwas ang tanan sa kataposan. Ug pinaagi sa Espiritu Santo, makadawat kita og kahupayan ug kalig-on diha sa atong mga pagsulay.

Kon mopili kita sa pagbaton og hugot nga pagtuo ug molahutay ngadto sa kataposan, gisaaran kita og “kalinaw niini nga kalibotan, ug kinabuhi nga dayon diha sa kalibotan nga umaabot” (Doktrina ug mga Pakigsaad 59:23).