“Usa ka Lamparahan sa Atong mga Tiil,” Alang sa Kalig-on sa mga Kabatan-onan, Ago. 2022.
Mga Butang gikan sa Mga Kasulatan
Dali, Sunod Kanako
Mga Salmo
Usa ka Lamparahan sa Atong mga Tiil
Usa ka kasagarang butang alang sa mga karaang Israelita makatudlo kanato kon giunsa sa Ginoo paggiya kanato.
Mga Kamatuoran
Sa mga panahon sa Daang Tugon, gigamit sa mga katawhan ang mga lamparahan sa pagdala kanila og kahayag diha sa kangitngit. Kadaghanan niini nga mga lamparahan dihay tulo ka importanting mga bahin:
-
1. Usa ka kulunong panaksan nga kasudlan sa lana nga oliba; kasagaran gamay nga igo mabutang sa palad sa kamot sa usa ka tawo
-
2. Usa ka lino nga pabilo nga dagkotan human kini makatuhop sa lana
-
3. Usa ka tubo o agianan nga mogunit sa pabilo
Ang yano nga mga lamparahan nga may usa lamang ka pabilo mohayag og usa ka metro lamang libot kanila. Kon gamiton samtang maglakaw-lakaw, kini mohayag lamang og igo nga kahayag nga makita ang tumbanan sa unahan sa imong kaugalingon aron makalihok-lihok ka nga mainampingon diha sa kangitngit.
Unsa ang Atong Makat-onan
Gigamit nga adunay pagtugot. Lead, Kindly Light, ni Simon Dewey. Sa maayong kabubut-on sa altusfineart.com © 2022.
Ang pulong sa Ginoo makahayag sa atong agianan agi sa kangitngit ug kaguliyang nga naglibot kanato sa kalibotan.
Ang Ginoo naghangyo kanato sa dili pagtabon sa atong kahayag apan sa pagdala sa kahayag sa ebanghelyo uban kanato aron ang uban makakita niini (tan-awa sa Mateo 5:14–16).
Kini anaa kanato sa pagsiguro nga ang atong mga lamparahan puno sa lana (tan-awa sa Mateo 25:1–13). Buhaton nato kini pinaagi sa pag-ampo, pagtuon sa kasulatan, serbisyo, pagsunod sa propeta, ug ubang mga lihok sa hugot nga pagtuo ug debosyon (tan-awa sa Spencer W. Kimball, Faith Precedes Miracle [1972], 256).
Kon atong gamiton ang hugot nga pagtuo, ang Ginoo usahay naghayag sa atong agianan og igo lamang alang kanato sa paghimo og usa pa ka lakang (tan-awa sa Boyd K. Packer, “The Candle of the Lord,” Ensign, Ene. 1983, 54).