Lagda human sa usa ka Lagda

Saka ngadto sa Bungtod sa Ginoo

Sa Salmo 24, atong makat-onan kon unsa ang tinuod nga kahulogan sa pagtindog diha sa balaang mga dapit.

Salmo 24:3–4

3 Kinsa ang mosaka ngadto sa bungtod sa Ginoo? o kinsa ang motindog sa iyang balaang dapit?

4 Siya nga limpyo [malinis] og mga kamot, ug may usa ka putli nga kasingkasing; siya nga wala magbayaw sa iyang kalag ngadto sa kabakakan, ug wala makapanumpa sa malimbungon.

saka

Motungas o mokatkat.

bungtod sa Ginoo

Diha sa mga kasulatan, ang bungtod makasimbolo sa templo. Ang bungtod sa Ginoo nagrepresentar og mas taas nga espirituhanong dapit diin kita mahimong mas maduol ngadto sa Dios. Kita “mosaka ngadto sa bungtod sa Ginoo” kon kita mag-andam sa pagsulod sa templo ug dayon mosulod niini.

limpyo og mga kamot ug putli nga kasingkasing

Kita adunay limpyo [malinis] nga mga kamot kon maninguha kita sa pagpuyo sa matarong nga paagi ug sa paghinulsol kon kita makasala. Ang atong mga kasingkasing putli kon kita aktibong maninguha sa pagbaton og maayo, mahiyasong mga hunahuna ug matarong nga mga tinguha.

mibayaw sa iyang kalag ngadto sa pagpakaaron-ingnon

Ang pagpakaaron-ingnon mao ang naghingaping garbo o pagdayeg sa kaugalingong mga hitsura, mga abilidad, o mga kalamposan. Kay sa pagpakaaron-ingnon, kita kinahanglang maninguha nga magpaubos ug magligdong sa unsay atong isulti ug isul-ob ug sa unsa nga paagi kita motagad sa uban.

nanumpa sa malimbungong paagi

Ang usa ka tawo kinsa “mosaka ngadto sa bungtod sa Ginoo” kinahanglang matinuoron. Kita kinahanglan gayod nga maninguha nga mahimong mga tawo sa katarong.