Ko e hā e Meʻa ʻOku Moʻoní?
Ngaahi Konga Fakamatala
Kuo tau mamata tonu ʻi he ngaahi meʻa lahi kuo hoko ʻi he māmaní, talu mei heʻetau konifelenisi ʻi ʻEpelelí, mei he meʻa fakamamahí ʻo aʻu ki he meʻa fakafiefiá.
ʻOku mau fiefia ʻi hono lipooti mai ha ngaahi konifelensi lalahi ʻa e toʻu tupú ʻoku fakahoko ʻi he funga ʻo e māmaní. …
ʻOku tau fiefia ʻi he lahi ange ʻa e ngaahi temipale ʻoku langa ʻi he funga ʻo e māmaní. …
ʻOku fakahaaʻi mai ʻe he ngaohikoviá e ivi tākiekina ʻo e filí. Ko ha angahala mamafa ia. …
ʻOku ʻi ai ha ngaahi founga fakatupu hohaʻa kehe ia ʻa e filí. ʻOku kau ai ʻene feinga ke ʻai ke faingataʻa hono ʻiloʻi e meʻa ʻoku moʻoní mo e meʻa ʻoku ʻikai ke moʻoní. Ko hono moʻoní, ʻoku hanga ʻe he lahi ʻo e ngaahi fakamatala ʻoku lava ke tau maʻú, ʻo ʻai ke toe faingataʻa ange hono fakapapauʻi ʻa e meʻa ʻoku moʻoní. …
… Kuo ʻi ai ha niʻihi kuo nau ʻai ke tau tui ʻoku ʻikai ko ha meʻa pau e moʻoní ia—pea ʻoku totonu ke toki takitaha fili ʻiate ia pē e meʻa ʻokú ne pehē ʻoku moʻoní. Ko e faʻahinga tui peheé ko ha fakaʻamu pē ia kiate kinautolu ʻoku nau maʻuhala ʻo pehē he ʻikai ke nau haʻisia foki ki he ʻOtuá.
Siʻi kāinga ʻofeina, ko e ʻOtuá ʻa e tupuʻanga ʻo e moʻoni kotoa pē. ʻOku tali ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ni ʻa e moʻoni kotoa pē ʻoku fakahā mai ʻe he ʻOtuá ki Heʻene fānaú, ʻo tatau ai pē pe naʻe ʻilo ia ʻi ha loki saienisi pe maʻu mei ha fakahā fakahangatonu meiate Ia.
ʻE hokohoko atu hoʻomou fanongo ki he moʻoní ʻi he ʻahó ni mo ʻapongipongi mei he tuʻunga malangá ni. Kātaki ʻo hiki ha fanga kiʻi fakamatala ʻo e ngaahi fakakaukau ʻokú ne tohoakiʻi hoʻo tokangá mo e ngaahi meʻa ʻe haʻu ki ho ʻatamaí pea nofo maʻu ʻi ho lotó. Kole ʻi he faʻa lotu ki he ʻEikí ke Ne fakapapauʻi mai ʻoku moʻoni ʻa e meʻa kuó ke fanongo ki aí.