“Fiefia Taʻengatá—Ngaahi Konga Fakamatala,” Ki Hono Fakamālohia ʻo e Toʻu Tupú, Nōvema 2022.
Fiefia Taʻengatá
Ngaahi Konga Fakamatala
ʻOku moʻoni, ko e nofo fiefia taʻengata mo kinautolu ʻoku tau ʻofa aí, ko e tefitoʻi ʻelito ia ʻo e palani ʻo e fiefia ʻa e ʻOtuá. …
… Ka, ʻoku ʻikai ha taha ʻiate kitautolu, pe ko ha fāmili ʻe haohaoa. …
… ʻOku tau maʻu ha faingamālie lahi mo ha meʻafoaki ke maʻu ha mahino fakalaumālie foʻou, ʻofa, fakatomala, mo ha loto-fefakamolemoleʻaki ʻiate kitautolu pea mo hotau fāmilí, ʻi he moʻuí ni mo ʻitāniti. …
… ʻI he uhouhonga ʻo e palani ʻo e huhuʻi mo e fiefia ʻa e ʻOtuá, ʻoku talaʻofa ai ʻe Sīsū Kalaisi, fakafou ʻi Heʻene Fakaleleí, ʻa hono fakatahaʻi hotau laumālié mo e sinó, “pea ʻe ʻikai ke toe fakamavahevaheʻi, koeʻuhí ke [tau] maʻu ʻa e kakato ʻo e fiefiá” [Tokāteline mo e Ngaahi Fuakava 138:17].
… Fakaleleí—fakaleleí-taha-ʻia Kalaisi— … ʻe lava ke ne ʻomi ʻa e uouangatahá kiate Ia mo e niʻihi kehé.
… ʻOku ʻafioʻi mo ʻofa ʻa e ʻOtuá ʻiate kitautolu kotoa. …
… [Ko ia] ʻi he maama tataliʻanga ʻo e ngaahi laumālié, naʻa mo kinautolu ʻoku faiangahala mo maumaufonó, ʻoku nau maʻu ha faingamālie ke fakatomala. …
… ʻOku foaki ʻe he ʻEikí kiate kitautolu ha faingamālie fakalangi ke hoko ʻo tatau ange mo Ia ʻi heʻetau fakahoko e ngaahi ouau fakamoʻui fakafofonga ʻi he temipalé ʻoku fiemaʻu ʻe he niʻihi kehé, ka ʻoku ʻikai ke nau lava ʻo fakahoko maʻanautolú. …
… ʻOku faingataʻa leva hano fakaleleiʻi hotau ngaahi vaá mo hotau lotó, pea mahalo he ʻikai ke tau lava ʻiate kitautolu pē. Ka ʻe lava ʻo foaki mai ha ivi mo ha poto mei langi ʻoku mahulu ange ʻi haʻatautolú, ke ʻilo ʻa e taimi ke kātekina aí mo e founga ke tukuange aí. …
… ʻOfa ke tau ʻunu ʻo ofi ange ki hotau Fakamoʻuí ʻi he fale māʻoniʻoni ʻo e ʻEikí, pea ʻofa ke Ne tohoakiʻi kitautolu ke ofi ange ki he ʻOtuá mo e niʻihi kehé ʻi heʻetau fakatahaʻi hotau lotó ʻi he manavaʻofa, moʻoni, mo e ʻaloʻofa kuo foaki ʻe Kalaisi ʻi hotau ngaahi toʻu tangata kotoa pē—ʻi he moʻuí ni mo ʻitāniti, ʻi he fiefia taʻengata. ʻOku malava ia fakafou ʻia Sīsū Kalaisi; ʻoku moʻoni ia ʻia Sīsū Kalaisi.