“Ko e Tokāteline ʻo e Kau Maí—Ngaahi Konga Fakamatala,” Ki Hono Fakamālohia ʻo e Toʻu Tupú, Nōvema 2022.
Ko e Tokāteline ʻo e Kau Maí
Ngaahi Konga Fakamatala
ʻOku ou fie lea fekauʻaki mo e meʻa ʻoku ou ui ko e tokāteline ʻo e kau mai ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. …
… He ʻikai lava ai ke tau fakangofua ha faʻahinga laulanu, tāufehiʻa fakamatakali, pe ngaahi ʻā vahevahe kehe ke nofoʻia ʻi he Siasi ʻo Kalaisi ʻi he ngaahi ʻaho kimui ní. …
ʻOku mahuʻinga ʻa e ongo ʻo e kau maí ki heʻetau moʻui lelei fakatuʻasinó, fakaeʻatamaí mo fakalaumālié. Ka, ʻoku malava pē ke tau takitaha ongoʻi he taimi ʻe niʻihi ʻoku ʻikai ke tau kau mai. …
Tau tuku muʻa ʻa e fai-fakamāú ki he toʻukupu ʻo e ʻEikí pea mo kinautolu kuó Ne fekauʻí pea tau fiemālie ke tau feʻofaʻaki mo feohi mo e niʻihi kehé ʻi he founga lelei taha te tau lavá. …
Ko e tafaʻaki ʻe taha ʻo e tokāteline ʻo e kau maí ʻoku fekauʻaki ia mo ʻetau ngaahi tokoní. Neongo ʻoku ʻikai ke tau faʻa fakakaukau ki ai, ka ko e konga lahi ʻo ʻetau kau maí ʻoku tupu ia mei heʻetau ngāue tokoni mo e ngaahi feilaulau ʻoku tau fai maʻá e niʻihi kehé pea maʻá e ʻEikí. …
Ko e konga fakaʻosi mo mahuʻinga taha ʻo e tokāteline ʻo e kau maí ko e tefitoʻi fatongia ʻo Sīsū Kalaisí. ʻOku ʻikai ke tau kau ki he Siasí koeʻuhí ke feohi ʻataʻatā pē, neongo ʻoku mahuʻinga ia. ʻOku tau kaú koeʻuhí ko e huhuʻi ʻoku fakafou ʻi he ʻofa mo e ʻaloʻofa ʻa Sīsū Kalaisí. ʻOku tau kaú ke fakapapauʻi e ngaahi ouau ʻo e fakamoʻuí mo e hakeakiʻí maʻatautolu mo kinautolu ʻoku tau ʻofa ai ʻi he tafaʻaki fakatouʻosi ʻo e veilí. ʻOku tau kaú ke kau ʻi ha ngāue maʻongoʻonga ke fokotuʻu ʻa Saione ko e teuteu ki he liuaki mai ʻa e ʻEikí.