“Lotó Kotoa—Ngaahi Konga Fakamatala,” Ki Hono Fakamālohia ʻo e Toʻu Tupú, Nōvema 2022
Lotó Kotoa
Ngaahi Konga Fakamatala
ʻI heʻetau hoko ko ha kau ākonga ʻo Sīsū Kalaisi, ʻoku tau tui pea lava ke tupulaki ʻi ha ngaahi moʻoni mahuʻinga ʻe tolu.
ʻUluakí, Te tau Lava ʻo Tauhi ʻEtau Ngaahi Fuakavá, Neongo e Faingataʻá
ʻI he taimi ʻoku ʻahiʻahiʻi ai hoʻo tuí, fāmilí pe ko ho kahaʻú—ʻi hoʻo fifili pe ko e hā ʻoku fuʻu faingataʻa ai e moʻuí ʻi hoʻo fai ho lelei tahá ke moʻui ʻaki e ongoongoleleí—manatuʻi ne fakahā mai he ʻEikí ke ʻamanaki ki ha ngaahi faingataʻa. ʻOku hoko ʻa e ngaahi faingataʻá ko ha konga ʻo e palaní pea ʻoku ʻikai ʻuhinga kuo liʻekina koe; ko e konga ia ʻo e ʻuhinga ʻo e ʻoku ʻAʻana koé. …
ʻOku ʻikai maʻu e mālohí ʻi he moʻui fiemālie. Ko e mālohi ʻoku tau fiemaʻu ke matuʻuaki ʻa e faingataʻa ʻo e ʻahó ʻa e mālohi ʻa e ʻEikí pea ʻoku tafe mai Hono mālohí ʻi heʻetau ngaahi fuakava mo Iá. …
Uá, Te Tau Lava ʻo Ngāue ʻi he Tui
ʻI heʻetau hoko ko e kau ākonga ʻo Sīsū Kalaisí, ʻoku mahino kiate kitautolu ʻoku fiemaʻu ʻe he tui kiate Iá ʻa e ngāué—tautautefito ki he ngaahi taimi faingataʻá. …
Tolú, ʻE Lava Ke Tau Loto ʻAki mo Fiefia ʻi heʻetau Mateakí
… Pea ʻoku ʻikai totonu ke u teitei fakakaukau ke hoko e ngaahi faingataʻa ʻo e ʻaho ní ke u fehuʻia ai e ʻofa ʻa e ʻOtuá kiate aú pe liliu ai ʻeku tui kiate Iá ki he veiveiuá. …
Pea ka toki hoko ʻa e ʻaho ʻoku fakamoʻui ai ʻa e lavea kotoa ʻo e matelié, te u tatali ki he ʻEikí mo falala kiate Ia—ki Heʻene taimí, Hono potó, mo ʻEne palaní.
Tuʻu fakataha mo koe, ʻoku ou fie tuʻu fakataha mo Ia ʻo taʻengata. ʻAki e lotó kotoa. ʻO ʻiloʻi ʻi heʻetau ʻofa kia Sīsū Kalaisi ʻaki hotau lotó kotoa, ʻokú Ne foaki kakato mai foki.