“ʻI He ʻAho Ní—Ngaahi Konga Fakamatala,” Ki Hono Fakamālohia ʻo e To‘u Tupú, Nōvema 2022.
ʻI He ʻAho Ní
Ngaahi Konga Fakamatala
ʻOku ou pukepuke atu ha tatau ʻo e Tohi ʻa Molomoná. Ko ʻeku tatau motuʻa ʻeni mei he 1970, pea ʻoku mahuʻinga ia kiate au. ʻOku mahino ʻa e lahi hono fakaʻaongaʻí, ka ʻoku ʻikai ke toe ʻi ai ha tohi ʻe mahuʻinga ange ki heʻeku moʻuí mo ʻeku fakamoʻoní ka ko e tohí ni. Ne u maʻu ha fakamoʻoni mei he Laumālié ʻi heʻeku lau iá ko Sīsū Kalaisi e ʻAlo ʻo e ʻOtuá, ko Ia ʻa hoku Fakamoʻuí, ko e ngaahi folofolá ni ko e folofola ia ʻa e ʻOtuá, pea kuo fakafoki mai e ongoongoleleí. …
“ʻI he ʻaho ní,” ko e taha ʻo e kau faifekau maʻongoʻonga taha ʻo e Tohi ʻa Molomoná ko Palesiteni Lāsolo M. Nalesoni. …
… Kuó ne tufa ha tatau ʻo e Tohi ʻa Molomoná ki ha kakai ʻe laungeau, mo fakahoko maʻu pē haʻane fakamoʻoni kia Sīsū Kalaisi. …
ʻOku fakahoko ʻe hotau palōfita moʻuí ʻa ʻene tafaʻakí ke lōmakiʻi e māmaní ʻaki ʻa e Tohi ʻa Molomoná. Ka he ʻikai te ne lava ʻo fakahoko toko taha ia. Kuo pau ke tau muimui ki heʻene takí. …
… ʻOku ou fakaafeʻi kimoutolu, ʻi he ʻahó ni, ke foaki ha Tohi ʻa Molomona ki hoʻo ngaahi kaungāmeʻá mo e fāmilí, kaungāngāué, ko hoʻo faiako soká, pe tangata fakatau vesitapolo ʻi hoʻo māketí. ʻOku nau fiemaʻu e ngaahi folofola ʻa e ʻEikí ʻoku maʻu ʻi he tohí ni. …
ʻOku ou fakamoʻoni naʻe fokotuʻutuʻu fakalangi ke teuteuʻi e Tohi ʻa Molomoná ʻi ʻAmelika ʻi he kuonga muʻá ke ʻomi ke ne fakahaaʻi e folofola ʻa e ʻOtuá, ke ʻomi ai ha ngaahi laumālie ki he ʻEiki ko Sīsū Kalaisí mo ʻEne ongoongolelei kuo fakafoki mai “ʻi he ʻaho ní.”