“O Suafa o Keriso,” Mo le Malosi o le Autalavou, Tes. 2022.
O Suafa o Keriso
O le Faaola e tele suafa ma faalaniga ua tuuina atu ia te Ia.
O nisi nei o na suafa ma mea e mafaufau i ai le autalavou i le lalolagi atoa—talavou e pei o oe—ia i latou:
Alefa ma le Omeka
Tagai i le Faaaliga 1:8.
“Ou te fiafia i le Alefa ma le Omeka aua o Ia o lo tatou amataga ma le faaiuga o la tatou malaga.”
O Le Leoleo Mamoe Lelei
Tagai i le Ioane 10:11–14.
“O le a sau o Ia e saili au ma iloa le taimi ou te leiloa ai, ma o le a Ia alofa pea ia te au.”
Alii o le Filemu
Tagai Isaia 9:6.
“O lenei mea e faamanatu mai ai ia te au le malie ma le toafilemu o le pese i le Peraimeri.”
“E mafai ona le mautonu le olaga, ae o loo i ai pea o Ia iina e faatoafilemu le matagi.”
Faaola
Tagai i le Isaia 43:11.
“Ona e faamanatu mai ai ia te au na Ia laveaiina au.”
“Ua faamanatu mai e le Faaola ia te au e faapea ona o le alofa mo i tatou uma na ia afio mai ai i le lalolagi ma ositaulagaina o ia lava ona o le alofa ma le usiusitai.”
Faamafanafana ma le Laveai
Tagai Salamo 144:2; Isaia 49:13.
“Na te faamafanafanaina ma laveaiina i tatou i taimi o le nofopologa faaletagata lava ia.”
“Ou te iloa soo se taimi lava ou te atuatuvale ai, o loo faatalitali mai pea Iesu Keriso mo au e liliu atu ia te Ia.”
Togiola
Tagai Isaia 47:4.
“Na te faia le tele o mea e siitia ai au i luga.”
“O Lona alofa ma le alofa tunoa na togiolaina ai au mai au agasala.”
“Ua ou faia le tele o mea sese i lou olaga, ma ou te iloa e mafai ona Ia togiolaina au pe afai ou te salamo.”
Malamalama o le Lalolagi
Tagai Ioane 8:12.
“O Ia moni lava o se malamalama taiala i lou olaga.”
Tagata Faanoanoa
Tagai Isaia 53:3.
“E malamalama atoatoa o Ia ia i tatou. Ou te faafetai mo lena mea.”
“E le o tuua na o au i ou faanoanoaga.”
“E malamalama moni lava o Ia i mea o ou aafia ai.”
Papa
Tagai i le Teuteronome 32:4.
“O ia o lo’u papa aua soo se taimi lava e faaletonu ai lo’u olaga, e mafai ona ou liliu atu ia te ia ma o le a Ia uunaia au e faaauau!”
“O le Papa e faailoa ai lana lagolago mo i tatou ma faamanatu mai ia te au afai o Ia o lo’u faavae o le a ou le pa’ū.”
Malutaga
Tagai Salamo 91:2.
“O Ia o lou malutaga aua o Ia o le mea e tasi ou te matua manaomia lava.”
Tupu o Tupu, Alii o Alii
Tagai Isaia 9:6.
“E i ai se aso o le a iloa ai e tagata uma o Ia o le Tupu o atunuu ma tagata uma.”
O Le Atua o Isaraelu
Tagai 2 Samuelu 23:3.
“O le igoa o Isaraelu e avea o se faamanatu faifai pea ia faamuamua le Atua.”
Emanuelu
Tagai i le Isaia 7:14.
“O lona uiga Ua faatasi le Atua ma i tatou, ma e aumaia ai le filemu tele ma le mafanafana!”
Tamai Mamoe a le Atua
Tagai Ioane 1:29.
“Tamai Mamoe a le Atua. Na te silafia atoatoa lelei i tatou.”
Tagata Faufautua
Tagai Isaia 9:6.
“E silafia e tagata faufautua ou tauiviga. Latou te fesoasoani ia te oe e faatoilalo ia [tauiviga].”
Matagofie
Tagai Isaia 9:6.
“O Ia lea e tatau ona ou faamemelo ma mulimuli i ai.”
Uo
Tagai i le Mataupu Faavae ma Feagaiga 93:45.
“O se vavega le i ai o se Uo e faamalolo ma loto foa’i!”
“Ou te iloa o Ia o la’u Uo. O lenei mea ua faigofie ai ona tatalo i Lona suafa.”
“O se tasi o faauigaga o le uo o ‘se tasi o loo i le itu e tasi,’ ma ou te fiafia i lena mea!”