“Aua le faatali! “Avea Faapei o Leoleo Mamoe,” Mo Le Malosi o le Autalavou, Tes. 2022.
Sau, Mulimuli Mai ia te A’u
Aua le Faatali! Avea Faapei o Leoleo Mamoe
I se po filemu ua leva, sa vaavaai ma le filiga e leoleo mamoe a latou lafu.
Sa i ai se galuega taua a leoleo mamoe. Sa manaomia e mamoe meaai, vai, ma le puipuiga mai mea matautia.
Na faafuasei lava, ona faaali mai se agelu!
“Aua tou te matatau: aua faauta, ou te au mai ia te outou le tala lelei e olioli tele. … Aua o le aso nei ua fanau ai … lo outou Faaola, o le Alii ia o Keriso.”
Sa tau atu e le agelu i leoleo mamoe o le a latou maua le pepe o loo aui i ie, o loo taoto i se faatanoa vao i Peteleema.
Sa faatumulia le lagi e se aufaipese agelu ma auai faatasi ma le agelu i le vivii atu i le Atua.
“O le viiga i le Atua i mea aupitoaluga, ma le manuia i le lalolagi, o le finagalo alofa i tagata.”
“Tatou o i Peteleema ma vaai po o le a le mea ua faailoa mai e le Alii ia i tatou.”
Sa lei faatali leoleo mamoe. Sa taua tele lenei mea! Sa latou “o mai faanatinati” i Peteleema.
Na maua e leoleo mamoe o Iesu o aui i ie, o loo taoto i se faatanoa vao, e pei lava ona fetalai mai ai le agelu.
O le Mesia folafolaina lenei o le na afio mai e avea ma Faaola ma Togiola o le lalolagi ma aumaia ia i tatou le olioli moni!
Sa matuai fiafia lava leoleo mamoe! Sa latou faasoa mai mea na latou faalogo i ai ma vaaia.
“Ua soifua mai le Faaola o le lalolagi!”
“Ua iu lava ina afio mai le Mesia!”
Sa “faanatinati” atu leoleo mamoe ia Iesu. E mafai foi ona e faia!
E mafai ona e aoao e uiga ia te Ia.
E mafai ona e auauna atu ia te Ia e ala i le auauna atu i isi.
E mafai ona e molimau atu e uiga ia te Ia.