“Moli o le Kerisimasi,” Mo Le Malosi o le Autalavou, Tes. 2022.
Moli o le Kerisimasi
O a tatou faafiafiaga o le Kerisimasi e fesoasoani e faamanatu mai ai ia i tatou o Iesu Keriso o lo tatou Malamalama moni.
Ata na tusia e Christopher Thornock
O Se Malamalama e Taiala Ai
Po o fea o i ai le ua fanau mai o le Tupu o tagata Iutaia? aua ua matou vaaia lona fetu i sasae, ua matou o mai ai e ifo atu ia te ia. …
… Faauta foi, o le fetu na iloa e i latou i sasae, ua muamua atu ia te i latou, ua oo ina tu mai i luga o le mea ua i ai le tama itiiti.
Ua latou iloa le fetu, ona matua tele ai lea o lo latou fiafia.
O au … o le fetu ao pupula.
O Se Malamalama i le Pogisa
O le nuu sa savavali i le pouliuli, ua latou iloa le malamalama tele: o e ua nonofo i le nuu o le ata o le oti, ua pupula mai ia i le malamalama. …
Aua ua fanau mai mo i tatou le tama, ua foaiina mai mo i tatou le atalii.
Sa ia te ia le ola; o le ola foi o le malamalama lea o tagata.
Ua pupula mai foi le malamalama i le pouliuli; a e lēi tali e le pouliuli. …
O le malamalama moni lea, na te faamalamalamaina tagata uma lava i lona maliu mai i le lalolagi.
O Se Malamalama i le Lalolagi
Ua tu mai ia i latou le agelu a le Alii, ua pupula faataaliolio mai foi ia te i latou le pupula o le Alii: ua matua fefefe ai lava i latou.
Ona fai mai lea o le agelu ia te i latou, Aua tou te matatau: aua faauta, ou te aumai ia te outou le tala lelei, e olioli tele i le nuu uma.
Aua o le aso nei ua fanau ai i le aai o Tavita, lo outou Faaola, o le Alii o Keriso.
O A’u nei o le malamalama o le lalolagi: o le mulimuli mai ia te au, e le savali o ia i le pouliuli, a e ia te ia le malamalama o le ola.