“Faaavanoa se Taimi mo Keriso i le Kerisimasi,” Mo Le Malosi o le Autalavou, Tes. 2022.
UpuFaaiu
Faaavanoa se Taimi mo Keriso i le Kerisimasi
Mai se faigalotu a le Iunivesite o Polika Iaga na faia i le aso 7 o Tes., 2021.
Ata na tusia e Emily Jones
E maeu le matagofie o le faamanatuina o le soifua mai o lo tatou Faaola, le Alii o Iesu Keriso. Faatasi ai ma outou, ou te molimau atu o Ia o le Alo o le Atua.
Ia tatou totoa i taimi uma i le faatuatua faatauvaa e faapea o Ia o lē o loo tatou tautau atu: o le Foafoa, o le Mesia ua loa ona faatalitali i ai, o le Aloalii o le Filemu, o le Tupu o Tupu, lo tatou Faaola, ma lo tatou Togiola.
Ua augani mai le perofeta a le Atua, Russell M. Nelson, ia i tatou ina ia “[faaavanoa] se taimi mo le Alii i lou olaga—i aso taitasi ma aso uma.”1
Tatou te faaavanoaina se taimi mo le Alii i aso taitasi ma aso uma a o tatou faia le tatalo o se vaega o aso taitasi. Tatou te faafaileleina o tatou agaga i le afioga a le Alii i tusitusiga paia. Tatou te maua le tele o le taimi mo le malumalupaia. Ia tatou saunia i tatou lava i aso taitasi ina ia mafai e le Alii ona taitaia i tatou e fesoasoani ia i latou o e manaomia lo tatou gauai atu ma lo tatou alofa. O le taimi o le Kerisimasi o se taimi matagofie lea e faamautu ai nei mausa i o tatou olaga.
Ou te faamanuia ia te outou o se Aposetolo a le Alii o Iesu Keriso a outou mamanuina a outou mausa o aso taitasi e faaaofia ai le Alii, o le a outou lagonaina le alofa ma le faamaoniga a le Faaola. Ou te faamanuia ia te outou a o faateleina a outou taumafaiga mai le taimi nei e oo atu i le Kerisimasi, o le manao e faaauau pea nei mausa i tua atu o le Kerisimasi o le a tumau ia te oe, ma o le a tuputupu ae lou alualu i luma o se tasi o soo o le Faaola.