« Tū’ati », Nō te Pūai o te Feiā ’Āpī, Tēnuare 2023.
Tū’ati
Tojonirina R.
17 matahiti, Matatata
Hōho’a nā Valisoa Rakoto
’O Tojonirina tō’u i’oa nō Antananarivo, i Matatata. E mea au nā’u ’ia fa’aro’o i te pehe tamarū, ’ia tai’o i te mau buka, ’e ’ia ha’uti i te taora’a pōpō i roto i te ’ete ’e te tu’e pōpō.
I te va’ura’a o tō’u matahiti, ’ua mā’iti au ’ia bāpetizohia vau. ’A utuhihia ai au i roto i te pape, ’ua ’ite a’era vau i te hō’ē ’oa’oa ta’a ’ē nō ’ō mai i te Vārua ra. I muri noa iho i tō’u bāpetizora’a, ’ua fa’aru’e mai tō’u metua vahine. ’Ua ’oto vau, ’ua fa’aturuma ’e ’ua pe’ape’a vau. ’Eiaha roa te hō’ē tamari’i ’ia ’ite i te mana’o ’ia mo’e tō rātou metua vahine.
Terā rā, e toru matahiti i muri mai ’ua haere mātou i te hiero ’e ’ua tā’atihia ’ei ’utuāfare. ’Ua tae mai te mana’o ta’a ’ē o te Vārua i taua mahana ra, ’e ’ua ’ite au ē tei pīha’i iho tō’u metua vahine iā’u i roto i te hiero. E fa’aro’o tō’u ē, e ’ite fa’ahou vau iāna i te hō’ē mahana.
Tē tūtava nei au ’ia ha’amana’o noa i te mea tā’u i fāri’i i te hiero. E tāpe’a vau i te Vārua i pīha’i iho iā’u nā roto i te tai’ora’a i te mau pāpa’ira’a mo’a ’e te tuatāpapara’a i te mau ha’amaita’ira’a o te hiero. ’Ia tāmata ana’e te mau parau poro’i a te ao nei i te ha’afifi iā’u, e tuatāpapa vau i te mau pāpa’ira’a mo’a ’e e ti’aturi au i te mau parau a te mau peropheta. E fa’aitoito rātou iā’u ’e e ha’apūai rātou i tō’u fa’aro’o.