’O vai nā ta’ata pa’ari ?

Hōho’a

hō’ē o nā ta’ata pa’ari

Tē parau nei te mau pāpa’ira’a mo’a ia tātou ē « e Magoi tei haere mai […] mai te hiti’a o te rā mai » (Mataio 2:1) nō te ’imi i te Fa’aora. Te ta’o Magoi [ta’ata pa’ari] nō roto mai ïa i te hō’ē parau Peresia, magi. Noa atu ē, ’aita tātou i parau-pāpū-hia ’o vai teie mau ta’ata, tē vai ra te tahi mau mea e nehenehe tā tātou e parau ē, ’ua ’ite tātou nō ni’a ia rātou nā roto mai i te mau mea i parauhia mai.

’Ua mātauhia i te mana’o ē e toru ta’ata pa’ari nō te mea ’ua ’āfa’i mai rātou e toru tao’a hōro’a. Terā rā, e ’ere i te mea pāpū i roto i te mau pāpa’ira’a mo’a i te rahira’a ta’ata pa’ari. ’Ua ta’a ato’a ia tātou ē ’ua fārerei rātou ia Iesu i tōna ’āpīra’a ra ’eiaha rā mai te hō’ē ’aiū (hi’o Mataio 2:11).

’E feiā parauti’a teie mau ta’ata pa’ari ’e ’ua ’ite rātou i te tahi mau parau tohu nō ni’a i te fānaura’a o te Mesia. Nō roto mai paha rātou i te hō’ē ’āma’a nō te mau ta’ata o te Fatu. ’Ua ’imi itoito rātou i te Tamaiti a te Atua ’e ’ua arata’ihia rātou e te Varua. ’Ua ’āfa’i mai rātou i te mau hōro’a nāna ’e ’ua ho’i atu i muri mai nō te fa’a’ite pāpū nō tōna fānaura’a i tō rātou nūna’a ta’ata. ’Ua fa’aara-ato’a-hia rātou nā roto i te moemoeā ē ’eiaha e fa’a’ite ia Heroda tei hea te tamari’i.

E nehenehe tō rātou ha’apa’o maita’i ’e tō rātou itoito e riro ’ei hi’ora’a fa’auru nō tātou i roto i tō tātou iho mau tere nō te ha’afātata atu ā i te Fa’aora.