Te mau vahi nō roto mai i te mau papa’ira’a mo’a

Te ’ānāvai Ioridana

E aha tei tupu i’ō nei, ’e e aha tā tātou e nehenehe e ha’api’i mai nā roto mai i te reira ?

Tei hea terā vāhi ?

Te ’ānāvai Ioridana

Hōho’a fenua nō roto mai ia Getty images

Tōna puna tei te mou’a Heremona i te pae apato’erau.

E tahe mai i te pae apato’a i roto i te roto nō Galilea—’e tahe fa’ahou mai i rāpae.

E hope te tahera’a i roto i te miti Pohe.

Nō te roara’a o tōna tahera’a, tei raro a’e ïa i te fāito o te miti.

’O te ’ānāvai faufa’a roa a’e i roto i teie tuha’a fenua.

E aha tei tupu i’ō nei ?

’Ua arata’i Iosua i te mau tamari’i nō ’Īserā’ela nā roto i te ’ānāvai Ioridana i te repo marō nō te tomo atu i roto i te fenua i parauhia ra (hi’o Iosua 3–4).

Tē bāpetizo ra Ioane Bāpetizo ia Iesu Mesia

’Ua bāpetizohia Iesu Mesia i roto i te ’ānāvai Ioridana e Ioane Bāpetizo (hi’o Mataio 3).

’Ua ’ite ānei ’outou ē ?

Te i’oa Iesu ’o te ta’o Hereni ïa nō te i’oa Iosua. ’E te mau ’a’amu i tupu i te ’ānāvai Ioridana, e tū’atira’a ïa i roto ia Iesu Mesia ’e te peropheta nō te Faufa’a Tahito, ’o Iosua.

Iosua	Iesu Mesia
’Ua haere mai i muri iho ia Mose.	’Ua haere mai nō te fa’atupu i te ture a Mose.
’Ua arata’i i te mau tamari’i a ’Īserā’ela i roto i te fenua i parauhia ra.	’Ua fa’a’ite mai ia tātou i te ’ē’a nō te tomo i roto i te bāsileia tiretiera.
’Ua haere nā roto i te ’ānāvai Ioridana ma te repo marō.	’Ua haere i roto i te ’ānāvai Ioridana ’e ’ua bāpetizohia.
’Ua ’āfa’i te mau tahu’a i te āruna faufa’a i roto i te ’ānāvai nō te fa’ata’a i te mau pape.	’Ua bāpetizohia ’oia e Ioane Bāpetizo, tei mau i te mana autahu’ara’a. ’Ua fa’a’ite mai te reira ia tātou i te ta’ahira’a mātāmua nō te tomo atu i roto i te mau fafaura’a e te Atua.