Rahi atu ā mai te Mesia

Hō’ē tuha’a o te fa’anahora’a a te mau tamari’i ’e a te feiā ’āpī, ’o te tūtavara’a ïa ’ia riro hau atu mai te Mesia te huru, nā roto i te tupura’a i te rahi i te pae vārua, i te pae sōtiare, i te pae tino, ’e i te pae nō te ferurira’a (hi’o Luka 2:52). ’A ti’aturi ’e ’aore rā ’aita, e ’ere i te mea fifi roa ’ia rave i te ’ohipa i ni’a i te mau ’ōpuara’a, mai tā ’outou e mana’o ra. ’A hi’o e mea nāhea te feiā ’āpī ’ati a’e i te ao nei i te tupura’a ’ia riro hau atu mai te Mesia te huru !

Pae vārua

I’oa : Catalina

Vāhi : Tīrēni

Fā : Tai’o i te mau pāpa’ira’a mo’a ’e pure i te mau mahana ato’a

« E tāmata vau i te fa’aea piri noa i te Vārua nā roto i te purera’a. Tē pure nei au i te mau pō ato’a hou ’a haere ai e ta’oto ’e i muri iho e tai’o i tā’u mau pāpa’ira’a mo’a. Tē ha’a itoito nei au nō te māramarama maita’i atu ā ia rātou. ’Ia tai’o vau ’e ’ia pure ana’e au i te mau mahana ato’a, e ’ite au i te hau ’e e ha’afātata atu ā i te Atua. »

Pae tōtiare

I’oa : Raisa

Vāhi : Samoa

Fā : Ha’amātau maita’i atu ā i te feiā ’āpī tamāhine i roto i tāna piha ha’api’ira’a

« ’Ua ’ite paha vau i te i’oa o te feiā ’āpī tamāhine ato’a i roto i tā’u pāroita, ’aita rā vau i ’ite ’o vai rātou ’e ’aore rā, ’e aha tā rātou i au. Nō reira, ’ua ha’amata vau te hō’ē i pīha’i iho i te feiā ’āpī tamāhine tāta’itahi, ’e nō te hō’ē tamāhine mai iā’u te huru, ’ua ’oa’oa vau i te ’itera’a i te mau mea e rave rahi e vai nei i roto ia mātou. Rahi noa atu tō’u ’itera’a ia rātou, rahi noa ato’a atu tō’u ’itera’a i teie feiā ’āpī tamāhine nehenehe mai tā te Metua i te ao ra e hi’o nei ia rātou. »

Pae tino

I’oa : Eugene

Vāhi : Kēnia

Fā : Ha’amaita’i i te tu’era’a pōpō (tu’era’a pōpō)

« ’Ua ha’amata vau i te ha’api’ipi’i nā muri i te hō’ē pupu hoa i te ’āva’e i ma’iri a’enei. ’Ua tauturu teie ’ohipa iā’u ’ia māramarama ē, e’ita te Atua e hina’aro ’ia rave tātou ana’e i te reira. E nehenehe tā tātou e ’āmui mai i tō tātou mau hoa ia tātou i roto i tā tātou mau fā ’ia riro mai te Fa’aora te huru. ’Ua ’ite ’oia ē e hina’aro tātou i te tahi ’e te tahi ’ia manuia. Mai te mea e pure tātou, e tu’u ’oia i te mau ta’ata i roto i tō tātou orara’a nō te tauturu ia tātou ’ia riro ’ei ta’ata maita’i roa a’e. »

Pae ferurira’a

I’oa : Jackson

Vāhi : Carolina Apato’a, Marite

Fā : Tau roa fatu mai i te hō’ē pereo’o uta mā’a i te hō’ē mahana ; Tau poto : Ha’api’i mai nō ni’a i te hāmanira’a i te mā’a

« ’Ua parau vau i te hō’ē o tō’u feiā fa’atere Feiā ’Āpī Tamāroa nō ni’a i tā’u fā e fatu mai i te hō’ē pere’o’o uta mā’a. Nā ’ō maira ’oia ē, ‘’I te mau matahiti ato’a e rave au i te hō’ē fa’a’oa’oara’a i te fare ha’api’ira’a. Nō te aha ’aita ’oe e haere mai e tunu i te mā’a nā mātou ?’ E ’ua nā reira vau. ’Ua hāmani au e fātata 50 faraoa tōtī ’e te mau faraoa menemene i roto e 45 minuti. ’Ua au roa vau i te pārahira’a i piha’i iho i te mau ta’ata i roto i tā’u pupu autahu’ara’a, ’e ’ua fāri’i au i te tahi mau mana’o fa’ahiahia nō roto mai i teie ’ohipa i tupu ’e te tahi mau parau ha’apōpou. ’Ua rahi te mau ha’api’ira’a tā’u i ’apo mai. »

’E aha tā ’outou e rave nei nō te riro atu ā mai te Mesia ra te huru ? ’Ua ’ohipa ānei ’outou i ni’a i te mau fā ’ārearea ’aore rā te mau fā faufa’a rahi ? ’A hāpono rata uira i te [e-mail] nō te hō’ē taime i roto i te hō’ē ve’a i muri nei !