“Au Tabo ni Iango … ae Mamaten Nanou,” Ibukin Kakorakoraia Kairake, Tianuare 2023.
Au Tabo ni Iango …
Ae Mamaten Nanou
Iai te tabo ae mamate nanom iai are ko na kabanea nanom n iango iai?
Ngkana ko iango, ko karekea riki te nonoori ae akea tokina. E kona naba ni buokiko ni kamarurunga am iango man kaitiakan atuum ke am iango man te mangaongao ao te kua are e roko man taian kariiri ni waakin te maiu n te bong ae koraki. Tabeman aomata iai aia tabo ae onoti are a na kabanea nanoia iai n iango. Kakaei tabeua taabo n iango ake a tibwaaki irouia kairake tabeman!
Iangoia Raoi: N iangoia raoi nanona kaukan am iango ao nanom nakon ana wirikiriki te Tamnei ae Raoiroi ngkai ko kamatebwaia ao iangoa taekan te euangkerio. N iangoia ma te nano ae koaua, are e kona n ni karaoaki n taabo nako, e kainnanoia bwa ko na karaoi mwakuri n tamnei ngkai ko ukoukora te kaotioti.
Ni Mena iaon te Ran
Au tabo ae mamate nanou iai bon taabo ake iai te ran iai, n aron te nei ke taari. N te tamnei aei I mena iaon ana booti tibu te unimwaane. I tangiria ni mena ikekei ibukina bwa I namakina ae I kaan ma te Tamnei, moarara riki n otintaai ke bungintaai. I kataia ni karekea ana kairi te tamnei ao n roko ma au iango ni kabane.
Macey M., 16, Texas, USA
Kakaea Am Tai N Tii Ngkoe
Te tabo ae rangi n tamaroa n iango ibukiu ngkana bon tii Ngai. I iango ni katoa tai, n au tai n tebotebo iaan te tiaawa ke n te tabo ae rau ni mweengau n au tai ni kamatebwai koroboki aika tabu. I buubuti iaon au bwatika, ao n tabetai I ongoongoora n te Nakomai, Iriirai ake a tauraoi iaon te internet n te ongongora. I karekea au tai ni bon tii ngai n tekateka n te tabo ae rangi n tamaroa aron teina ma taraana ao n iango ikanne.
Grant R., 14, Texas, USA