Aan Kateitei aika Matoatoa

Te kakaewenako n te Ii

N te bong teuana n tain te kamwaitoro, I nakonako iaon tanon te reirei ma raoraou aika Alice ao Trevor ngke ti a kaitibo naba ma te kanikina are e warekaki: “A tauraoi mwangko n ii.” Ma te kukurei, e anganano Trevor bwa e na kabooi kaka teuana ara mwangko n ii. “I aki, ko rabwa,” I taku.

E anganganai te ii Trevor ni katoa bong, ao I teimatoa n aki butimwaia. N te kabane, e titirakinai bukin tera ngkai I aki mooi n te ii. I tuangnga taekan Tuan te Mauri, te kantaninga bwa e na mataata iai. Ma e a bitia nakon te manikangare ae bubura. E kataai bwa N na urua Tuan te Mauri.

Ti aki aekakin are ko a kabongana te drug,” e taku. “Akea rootakim n te mwangko n ii!”

N te wiiki are imwiina, ngaia ma raoraona a moanna ni bwainingareai n ae e a riao riki. I kataia n tabeka atuu ni karietaa, e ngae ngke e bon aki bebete.

N te tai ae okioki, a namakina te aki nakoraoi ibukin aia mwakuri are a karaoia ao aikoa bwaningareai. N te bong teuana, e tuangai au tia reirei: Ko a tia n riki bwa te banna ni katooto ngkoe n am onimaki ao n am aro. I kakatonga iroum.”

I kakatonga naba ibon ibukiu. E aki bebete n tainako, ma I ataia bwa N na kakabwaiaaki n tei ibukin au kainibaire.

Nicolé M., West Midlands, United Kingdom