“Antai mwaane ake a wanawana?,” Ibukin Kakorakoraia Kairake, Tianuare 2023.
Nakon Raoi te Iango
Antai Mwaane ake a Wanawana?
E tuangiira booki aika tabu bwa “a [roko] taan rabakau mai mainiku” (Mataio 2:1) bwa a na ukoukora te Tia Kamaiu. Te taeka mwaane ake a wanawana e roko man te taeka ni Botia, magi. E ngae ngke tiaki tuangaki raoi bwa antai mwaane aikai, iai bwaai tabeua aika ti kona n taekin aika ti atai ibukiia man te bwai are ti tuangaki.
N aia iango aomata ao a taku bwa teniman mwaane ake a Wanawana bukina bwa a uoti teniua bwaintangira. Ma e aki rangi ni mataata man booki aika tabu bwa iraman raoi Aomata aika Wanawana aika a mena raoi ikekei. Ti ataia ae a kawara naba Iesu ae te merimeri irarikin are te ataei (taraae Mataio 2:11).
A bon kororaoi Mwaane aika Wanawana ao atai tabeua taetae ni burabeti ibukin bungiakin te Metia. A nako man ana kurubu n aomata te Uea ae bubura riki. A ukoukora Natin te Atua ao a kairaki nako Ina iroun te Tamnei. A uoti Nakoina bwaintangira ao imwiina a oki rikaaki ni kaota koauan Bungiakina nakoia aia aomata. A kauringaki n tuangaki naba n te mii bwa a na aki kaongoa Erote te tabo ae mena iai te ataei.
Aia onimaki ao wanawanaia e riki bwa te banna ni katooto nakoira ni mwanangara ni kaniira riki ma te Tia Kamaiu.