Mstari juu ya Mstari

Njoni Kwake

Mwokozi anatualika sisi kumwachia Yeye abebe mizigo yetu.

Yesu Kristo

Vielelezo na Annie Henrie Nader

Mathayo 11:28–30

28 Njoni kwangu, ninyi nyote msumbukao na wenye kulemewa na mizigo, nami nitawapumzisha.

29 Jitieni nira yangu, mjifunze kwangu; kwa kuwa mimi ni mpole na mnyenyekevu wa moyo; nanyi mtapata raha nafsini mwenu.

30 Kwa maana nira yangu ni laini, na mzigo wangu ni mwepesi.

Njoni Kwangu

Tunaweza kuja kwa Mwokozi kwa kujifunza injili Yake, tukiwa na imani katika Yeye, tukitubu, tukifanya na kushika maagano na kufuata mfano Wake.

msumbukao … kulemewa na mzigo

Kazi za kimwili na mizigo vinaweza kutulemea, kadhalika na za kiakili, kihisia na kiroho. Mwokozi hutupa sisi amani Yake, bila kujali aina ya mizigo tunayobeba.

nira

Nira ni kifaa cha kufunga wanyama wawili pamoja ili kwamba waweze kuvuta mzigo kwa pamoja, kama vile jembe la plau au mkokoteni. Nira kwa kawaida ina boriti ya mbao inayowekwa juu ya nundu ya mabega ya kila mnyama, kufanya uzito kuwa sawa.

jifunze

Tunaweza kujua kuhusu Yesu Kristo kwa kujifunza mafundisho Yake na mfano Wake—na kwa kujaribu kuyafuata

pumziko

Pumziko la Mwokozi ni amani Yake, ambayo hutuliza akili na roho zetu. Yeye hutusaidia kushinda wasiwasi wa ulimwengu na hutupa nguvu za kiroho wakati tunapohisi udhaifu.

laini … mwepesi

Kujichukulia juu yetu nira ya Mwokozi humaanisha kujifunga wenyewe Kwake kupitia maagano. Humaanisha kutoa mioyo yetu Kwake na kazi Yake. Tunapofanya hivi, mizigo yetu inasikika kuwa miepesi kwa sababu Yeye anatusaidia.