“Ikonektar,” Alang sa Kalig-on sa mga Kabatan-onan, Abr. 2023.
Ikonektar
Natalie S.
17, Tennessee, USA
Litrato pinaagi ni Christina Smith
Natawo ko sa Memphis ug nagdako sa Tennessee sa akong tibuok kinabuhi. Nagsugod ko sa pagsakay og kabayo niadtong mga otso anyos ko ug mitrabaho aron makabayad sa akong mga leksiyon. Usa sa akong mga trabaho karon mao ang pagbansay og mga kabayo.
Ang pagbansay og mga kabayo nakatudlo kanako og daghan kabahin sa pagsunod sa mga baroganan sa ebanghelyo. Ang rehabilitasyon sa mga kabayo magkinahanglan og daghang panahon ug paghago. Ang usa ka kabayo nagkinahanglan og unom ka bulan sa pagbansay hangtod nga kini komportable na nga sakyan. Nagkinahanglan kana og grabe nga pasensya.
Usahay mobati ko nga daghan kaayo ko og panghitabo sa akong kinabuhi, ug kini lisod. Akong gibalanse ang mga higala, eskwelahan, ug pamilya samtang nagtudlo usab og mga leksiyon sa pagsakay og kabayo, nagpahigayon og pagsuroy sa mga kamalig, ug nag-atiman sa mga kabayo.
Apan akong mabati ang kalinaw sa Espiritu kon anaa ako sa mga kabayo. Mahimo akong mobati og kalinaw, makadungog sa Espiritu, ug makahibalo unsay kinahanglan nakong buhaton.