“Ablihi ang Inyong Kasingkasing ngadto sa Espiritu Santo,” Alang sa Kalig-on sa mga Kabatan-onan, Abr. 2023.
Kataposang Pulong
Ablihi ang Inyong Kasingkasing ngadto sa Espiritu Santo
Niining panahon sa Pasko sa Pagkabanhaw, nagpasalamat ko sa atong Langitnong Amahan alang sa gasa sa Iyang Pinalanggang Anak, nga boluntaryong mianhi sa yuta aron mahimo natong Manunubos. Mapasalamaton ko nga masayod nga gitubos Niya ang atong mga sala ug mibangon diha sa Pagkabanhaw. Matag adlaw napanalanginan ko nga masayod niana, tungod sa Iyang Pag-ula, ako unya mabanhaw aron mabuhi sa kahangtoran diha sa usa ka mahigugmaong pamilya.
Nasayod ako niadtong mga butanga pinaagi sa bugtong paagi nga si bisan kinsa kanato mahimong masayod niini. Ang Espiritu Santo namulong sa akong hunahuna ug kasingkasing nga kini tinuod—dili lang kausa apan kanunay.
Kita adunay bililhon nga saad sa Espiritu Santo nga ikauban. Ang atong obligasyon mao ang pagpili sa pag-abli sa atong mga kasingkasing aron madawat ang padayon nga espirituhanong direksyon ug kahupayan pinaagi sa Espiritu Santo sa tibuok kinabuhi.
Mga paghulagway pinaagi ni Emily E. Jones
Ang unang pagpili mao ang pagpaubos atubangan sa Dios.
Ang ikaduha mao ang pag-ampo uban sa hugot nga pagtuo diha ni Ginoong Jesukristo.
Ang ikatulo mao ang hingpit gayod nga pagsunod.
Ug ang ikaupat mao ang pag-ampo aron masayod sa mga panginahanglan ug sa mga kasingkasing sa uban ug unsaon sa pagtabang kanila alang sa Ginoo.
Nag-ampo ko sa tibuok nakong kasingkasing nga inyong madungog ang tingog sa Espiritu, nga gipadala kaninyo sa hilabihan ka madagayaon. Ug ako nag-ampo nga kanunay ninyong ablihan ang inyong kasingkasing aron sa pagdawat sa Espiritu nga makaangkon kamo og kalipay nga makabaton Kaniya isip kanunay ninyong kauban.