“Kon ako adunay mahibaloan nga nakasala, kinahanglan ba nako nga itug-an sa ilang bishop?,” Alang sa Kalig-on sa mga Kabatan-onan, Abr. 2023.
Direkta sa Punto
Kon ako adunay mahibaloan nga nakasala, kinahanglan ba nako nga itug-an sa ilang bishop?
Kon ikaw makahibalo nga ang usa ka tawo nagbuhat og butang nga makapahimo kaniya nga dili angayan nga moambit (o mopahigayon) sa sakramento o moadto sa templo, sa dili pa ka mobuhat og bisan unsa, mahimo kang mag-ampo una ngadto sa Langitnong Amahan, siguroon nga magiyahan ka pinaagi sa gugma ug pagpakabana alang niana nga tawo kaysa bisan unsa nga motibo.1 Mahimo na dayon kang mopili sa pakigsulti sa tawo o sa bishop. Kon imo kining buhaton, kinahanglan kang mosulti sa mabination nga paagi ug may kaluoy kay sa mag-akusar.
Ang pakig-istorya sa tawo sa pribadong paagi makahatag kaniya og kahigayonan sa pagpili sa pag-adto sa bishop ug magsugod sa paghinulsol sa iyang kaugalingon. Kon dili siya maminaw, mahimo ka nang makigsulti sa bishop mahitungod niini. Ang bishop adunay espesyal nga calling sa pagbantay sa mga miyembro sa ward ug pag-atiman sa ilang espirituhanon nga kaayohan. Tungod sa iyang calling, ang bishop anaa sa talagsaon nga posisyon sa pagtabang.
Bisan unsa pa ang imong buhaton, palihog hinumdomi nga kinahanglan dili ka mosulti ni bisan kinsa mahitungod niini. Libak na kana, nga dili gayod makatabang ni bisan kinsa.