“Sunda si Jesukristo ug Buhata ang Unsay Labing Importante,” Alang sa Kalig-on sa mga Kabatan-onan, Abr. 2023.
Dali, Sunod Kanako
Sunda si Jesukristo ug Buhata ang Unsay Labing Importante
Si Jesukristo nagdapit kanato sa pagsunod Kaniya ug pagtuman sa Iyang mga sugo.
Usahay kini nagpasabot sa pagpadaplin sa mga butang nga gusto nato ug makalingaw.
Alang sa usa ka butang nga mas maayo!
Ang Biblia nagsulti bahin sa usa ka batan-ong dato kinsa misulay sa pagsunod sa mga sugo sa Dios.
Usa ka adlaw, miadto siya ni Jesus ug nangutana unsa pa ang iyang kinahanglan nga buhaton. Giingnan siya ni Jesus sa pagbaligya sa tanan niyang kabtangan, ihatag ngadto sa mga kabos, ug mosunod Kaniya.
Ang batan-ong dato nadismaya. Dili niya buot buhian ang iyang nindot nga mga butang.
Si Jesukristo nagdapit kanato sa pag-usab, pagsunod Kaniya, ug pagbiya sa mga butang nga atong ganahan—bisan ang maayong mga butang—alang sa mga butang nga labing importante.
Samtang mopokus kita ni Jesukristo ug mosunod sa Iyang ehemplo ug mga pagtulon-an, mahimo kitang magiyahan aron mahibalo kon unsa gayod ang atong buhaton,.
Siya nahigugma ug nakaila sa tagsa-tagsa kanato. Nahibalo siya unsay labing maayo alang kanato.
Unsa kaha ang imong biyaan aron mas mopaduol sa pagsunod Kaniya?