Ansa Hem I Oltaem Jisas Kraes
Samfala Pat
Wan wik afta long Pam Sandei, hem i Ista Sandei. Hem i wan spesel taem we i moa impoten blong plante relijin blong olgeta we oli folem Jisas Kraes. Mein risen from wanem yumi selebretem Krismes, hem i from Ista. …
… From Jisas Kraes, bae yumi save kasem fogivnes from ol sin blong yumi. From Jisas Kraes, bae wanwan long yumi i laef bakegen long ded. …
… !Mi plis long yu blong kam long Hem, blong Hem i save hilim yu! Bae hem i hilim yu aot long sin taem yu sakem sin. Bae hem i hilim yu aot long sore mo fraet. Bae Hem i hilim yu aot long ol soa blong wol ia.
Nomata wanem ol kwestin o problem we yu gat, oltaem ansa i stap long laef mo ol tijing blong Jisas Kraes. Lan moa abaot Atonmen blong Hem, lav, sore, doktrin blong Hem, mo gospel blong hiling, fasin blong gro, mo blong stap pat. !Tanem yu i go long Hem! !Folem Hem!
Jisas Kraes Hem i risen from wanem yumi bildim ol tempol. Wanwan i tabu Haos blong Hem. Stap mekem ol kavenan mo kasem ol impoten odinens insaed long tempol, mo tu blong stap lukaotem blong kam moa kolosap long Hem insaed, bae i blesem laef long ol wei we yu no save kasem long ol nara wei blong wosip. From risen ia, yumi stap mekem evri samting wetem paoa we yumi gat blong mekem ol blesing blong tempol i isi moa blong ol memba blong yumi raon long wol. …
Ol dia brata mo sista. Mi talem witnes blong mi se Jisas Kraes i stap daerektem ol afea blong Jos ia. Mi testifae se blong stap folem Hem, hem i wan wei ia nomo blong gat wan hapines we i stap strong.