Hosana long Hae God we I Hae Olgeta
Samfala Pat
Kolosap 2,000 yia i pas, Pam Sandei i makem stat blong las wik blong ministri blong Jisas Kraes long wol ia. …
Bigfala win blong Jisas Kraes we i kam insaed long Jerusalem mo ol taem blong wik ia we i kam afta, i soem doktrin we yumi save aplae long laef blong yumi. …
Faswan, profesi. …
Nambatu, blong gat Tabu Spirit wetem yumi. …
Nambatri, fasin blong stap olsem wan disaepol. …
Nambafo, Atonmen blong Jisas Kraes. …
Long las wik blong ministri blong Hem long wol ia, Jisas Kraes i givim parabol blong ol 10 yangfala gel. … Hem i yusum pikja blong ol laet we oli laet mo stap bon, wetem ekstra oel blong mekem faea i laet, blong tokbaot hamas wan i wantem blong laef folem ol wei blong Hem, lavem ol trutok blong Hem, mo serem laet blong Hem. …
Yumi, olsem ol ten yangfala gel ia, i gat ol laet; ?be yumi gat oel? Mi fraet se i gat sam we oli stap laef wetem smol oel ia nomo, oli stap bisi tumas wetem ol wari blong wol blong oli save stap rere gud. Oel i kam taem yumi biliv mo mekem folem profesi mo toktok blong ol profet we oli laef, speseli Presiden Nelson, ol kaonsela blong Hem, mo Ol Twelef Aposol. Oel i fulumap sol blong yumi taem yumi harem mo filim Tabu Spirit mo mekem folem tabu daereksen blong hem. Oel i kapsaet i kam long hat blong yumi taem ol joes we yumi stap mekem i soem se yumi lavem Lod mo yumi lavem wanem Hem i lavem. Oel i kam taem yumi sakem sin mo stap lukaot hiling long Atonmen blong Jisas Kraes.T