Ol Man blong Folem Prins blong Pis
Samfala Pat
Olsem ol disaepol blong Prins blong Pis, yumi bin kasem instraksen blong laef wetem “ol hat we oli joen tugeta long yuniti mo wetem lav long wanwan long olgeta.” [Mosaea 18:21]. …
… Wan long ol nambawan saen we yumi pruvum se yumi stap kam kolosap moa long Sevya mo stap kam moa olsem Hem, i wei we yumi tritim ol fren blong yumi wetem lav, gat longfala tingting mo kaen fasin, nomata long ol wanem kaen situesen. …
… I no wan sapraes se wan long ol trik blong enemi i blong statem fasin blong raorao mo kroskros insaed long hat blong ol pikinini blong God. Hem i glad taem hem i luk ol pipol oli stap talem nogud ol narawan, jik jikim ol narawan, mo mekem giaman toktok abaot ol narawan. …
Ol dia brata mo sista blong mi, taem yumi traehad blong developem ol fasin olsem hemia blong Sevya, yumi save kam ol tul blong Hem blong mekem pis long wol folem paten we Hem, Hemwan i mekem. Mi invaetem yufala blong tingting long ol wei we yumi save jenisim yumiwan i kam ol pipol we oli stap leftemap, sapotem, ol pipol we oli save andastanem samting mo gat wan hat we i save fogiv, ol pipol we oli lukaotem ol gudfala samting long ol narawan, oltaem tingbaot se, “sapos i gat samting we i klin, i luk naes, o i gudfala mo i nambawan tru, mifala i lukaotem ol samting ia.” [Ol Toktok blong Bilif 1:13].
Mi promesem yufala se taem yumi lukaotem mo developem ol fasin olsem hemia blong Kraes, bae yumi kam moa mo moa gudfren mo kea moa long ol nid blong ol fren blong yumi mo bae yumi kasem eksperiens blong glad, gat pis, mo kam antap long saed blong spirit.