Neva Mestem wan Janis blong Testifae abaot Kraes
Samfala Pat
!Naoia ating yumi no save glad long semmak filing blong stap kolosap olsem olgeta we oli bin wokbaot wetem Kraes long taem we Hem i bin stap long ministri blong Hem long wol ia, be tru long Tabu Spirit yumi save eksperiensem paoa blong Hem evri dei! !Fulap taem olsem we yumi nidim! …
… Yumi kam moa kolosap long Kraes taem yumi stap wosip evri taem insaed long tempol, stap sakem sin evri dei, stap stadi ol skripja, stap go long jos mo seminari, stap tingting hevi long ol petriakel blesing blong yumi, stap kasem ol odinens long wan klin mo stret fasin, mo stap givim ona long ol tabu kavenan. Evri samting ia oli invaetem Spirit blong fulumap maen blong yumi, mo oli givim moa pis mo proteksen. ?Be yumi stap givim ona long olgeta olsem ol tabu janis blong testifae abaot Kraes? …
I gat paoa taem yumi mekem ol tabu fasin ia oli no kam olsem wan lis blong ol samting blong mekem mo kam moa olsem wan witnes. Rod blong kasem en hem i longfala be bae yumi gro taem yumi tekpat evri dei wetem stamba tingting ia blong kasem ol eksperiens wetem Kraes. Taem yumi oltaem mekem folem ol tijing blong hem, yumi kasem wan testemoni abaot Hem; yumi bildimap wan rilesensip wetem Hem mo Papa blong yumi long Heven. Yumi statem blong kam moa olsem Tufala.
Setan i krietem tumas noes we i save mekem i had blong harem voes blong Lod. … Yumi wantem blong krietem memori insaed long hed blong yumi abaot fasin blong wan disaepol mo testemoni, we bae i helpem yumi blong lukluk moa long Sevya evri dei.
… Lukaotem Kraes long evri ples―!Mi promes se Hem i stap! Tru glad i stap long fasin blong yumi blong wantem blong kam kolosap long Kraes mo kasem witnes blong yumiwan.