Givhan
Samfala Pat
Olsem ol man blong folem Jisas Kraes, yumi lukaotem blong givhan long ol narawan olsem we Hem bae i mekem, from se Hem i stap wet blong jenisim laef blong ol man. …
Evri ples we mi go, mi glad tumas blong lanem samting aot long olgeta we oli stap givhan mo kea olsem we Sevya blong yumi bae i mekem. …
Wok blong givhan we i hae mo i tabu i kam taem yumi prea from “klin lav blong Kraes” [luk long Moronae 7:47–48] mo folem Spirit. …
… Long plante ples, yumi save go aot, luksave ol narawan long wea ples oli stap long hem, mo bildimap ol rilesensip taem yumi visitim ol memba oltaem long hom blong olgeta. Invitesen we i kam wetem insperesen i jenisim laef. Taem ol invitesen oli helpem yumi blong mekem mo kipim ol kavenan, yumi kam kolosap moa long Lod mo ol narawan. …
Wok blong givhan we i hapen tru long insperesen i stap blesem ol famli mo wanwan man mo woman; i mekem tu ol wod mo ol branj oli kam strong. …
Sevya i nambawan eksampol blong yumi. From se Hem i gud, Hem i save mekem wanem we i gud. Hem i blesem wan ia mo 99 ia. Hem i givhan wetem ful hat blong Hem. …
Jisas Kraes i givhan. Ol Enjel oli givhan. … Taem yumi givhan olsem we Hem bae i mekem, yumi witnesem ol blesing mo ol merikel blong Hem. …
Long wanem ples yumi stap long hem long Ista sisen ia, bae yumi go aot mo givhan, kea olsem we Sevya blong yumi bae i mekem, speseli long olgeta we yumi gat spesel janis blong lavem mo we oli asaenem long yumi blong givhan long olgeta. Long semmak fasin, bae yumi kam moa kolosap long Jisas Kraes mo wanwan long yumi, blong kam moa olsem Hem mo kam man blong folem Jisas Kraes, olsem we Hem i wantem yumi wanwan blong kam olsem.