Ol Petriakel Blesing
Ekuado
Petriakel Blesing blong Yu—Daereksen we i kam long Papa long Heven
Petriakel blesing blong mi i bin impoten tumas long mi taem mi bin yang from plante risen. Faswan, tru long paoa blong Tabu Spirit, petriakel blesing blong mi i helpem mi blong andastanem tru aedentiti blong mi we i no save finis—mi bin stap wea mo mi save kam wanem kaen man. … Mi save se Papa long Heven mo Sevya tufala i save gud mi mo lavem mi mo Tufala i pat blong laef blong mi,. Hem i helpem mi blong wantem blong kam moa kolosap long Tufala mo kam antap long fet mo tras blong mi long Tufala. …
Taem mi save gud mi wan, i helpem mi blong andastanem mo wantem blong mekem wanem God i wantem mi blong mekem.
Hem i lidim mi blong stadi long ol kavenan mi bin mekem mo ol promes blesing long kavenan blong God wetem Abraham. Hem i givim mi wan lukluk we i no save finis we i pusum mi blong kipim ol kavenan blong mi fulwan. …
Hem i impoten blong mi blong kasem petriakel blesing blong mi taem mi bin wan yangfala mo taem testemoni blong mi i stap gro yet. …
… From we mi lavem tumas petriakel blesing blong mi taem mi yang, i bin blesem mi wetem strong tingting taem tingting blong mi i foldaon, i givim kamfot taem mi fraet, i givim pis taem mi filim wari, i givim hop taem mi nogat hop, mo givim glad taem sol blong mi i nidim moa. Petriakel blesing blong mi i helpem blong leftemap fet blong mi mo tras blong mi long Papa long Heven Hem i mekem lav blong mi long Tufala i kam antap—mo i stap gro yet.
Wetaem blong Kasem Petriakel Blesing blong Yu
Ol dia yang man mo woman, ol papa mo mama, mo ol bisop, ol petriakel blesing oli no blong rere long olgeta nomo blong go long misin. Ol memba we oli klin inaf mo kasem baptaes oli save kasem petriakel blesing blong olgeta taem we i stret long olgeta. …
Ol brata mo sista, mi talem witnes blong mi se Papa long Heven mo Wan Stret Pikinini Ia Nomo We Hem I Lavem, we I Lod Jisas Kraes, tufala i laef. Tufala i lavem yumi. Ol petriakel blesing, oli ol tabu presen we i kam long tufala. Taem yu kasem blesing blong yu, bae yu luksave mo filim hao Oli lavem yu mo hao Oli lukluk nomo long yuwan.