Sandei Moning Sesen
Tingting blong Mi i Fas long Tingting Ia we i Jisas Kraes.
Samfala Pat
Wan naesfala stori insaed long Buk blong Momon i tokbaot wan yangfala man we i kamaot long wan impoten famli we nem blong hem Alma, we ol skripja i tokbaot hem olsem wan man we i no bilif mo i wosipim aedol. …
Insaed long bigfala harem nogud blong hem, hem i tingbaot we oli bin tijim hem taem hem i yangfala abaot “Jisas Kraes, wan Pikinini blong God, we bae i kam blong pem praes blong ol sin blong wol.” [Alma 36:17]. … Taem hem i askem strong tabu paoa blong Sevya, wan merikel samting i hapen. … Kwiktaem hem i filim pis mo laet. …
Alma “i fas long tingting ia” we i trutok blong Jisas Kraes. …
… Taem hem i stap mekem aksen folem fet long trutok ia, mo tru long paoa mo sore blong God, God i sevem hem long harem nogud mo i fulap long hop.
… Ol tingting blong yumi tu oli bin “fas long tingting ia” blong Jisas Kraes mo sakrifaes blong hem we i gat sore long yumi, mo sol blong yumi i bin filim laet mo glad we i kam afta. …
… Lav blong yumi long Hem i no haedem yumi blong no stap hapi mo ol harem nogud long laef ia, be hem i letem yumi blong wokbaot tru long ol jalenj wetem wan paoa we i bigwan bitim blong yumiwan. …
Taem yumi putum lukluk blong yumi moa long Jisas Kraes, evri samting raon long yumi—long taem naoia—yumi stap luk wetem ae blong lav blong yumi long Hem. … Taem yu gohed blong tingting gud long tingting blong yu we i fas long Jisas Kraes, trastem Hem, mo obei ol komanmen blong Hem, mi promesem se bae yu no kasem gaed nomo, be paoa we i kam long heven—paoa we i karem moa paoa long ol kavenan blong yu, pis long ol hadtaem blong yu, mo glad long ol blesing blong yu.