Tingbaot Wanem I Impoten Moa
Samfala Pat
Tedei, bae mi serem aot long hat blong mi, sam filing mo tingting long wanem i impoten moa.
Faswan, wan rilesensip wetem Papa blong yumi long Heven mo Pikinini blong Hem, Lod Jisas Kraes, i impoten moa. Rilesensip ia i impoten naoia mo blong taem we i no save finis.
Nambatu, ol famli rilesensip oli stap long medel blong ol samting we oli impoten moa. …
Mi luksave se maet sam oli nogat ol blesing olsem wan famli we oli stap kolkolosap long olgeta, mekem se mi tekem tu ol famli we oli stap longwe, ol fren, mo iven ol famli long wod olsem “famli.” Ol rilesensip ia oli impoten long saed blong filing mo bodi. …
Wan nara samting we i impoten moa i blong stap folem ol toktok blong Tabu Spirit long ol rilesensip blong yumi we oli impoten moa, mo ol traehad blong yumi blong lavem ol neba blong yumi olsem we yumi lavem yumiwan, we i tekem tu ol praevet mo pablik ministri blong yumi. …
Laswan, long Pam Sandei wiken ia, mi testifae se blong jenisim laef i go long Lod, blong serem testemoni abaot Hem, mo blong givim seves long Hem, oli stap tu long medel blong ol samting we oli impoten moa. …
Blong gat wan testemoni hemwan i no inaf. Taem fasin blong jenisim laef blong yumi i go long Jisas Kraes i gro, bae hem i nomol blong yumi wantem testifae abaot Hem—gud fasin blong Hem, lav, mo kaen fasin blong Hem. …
Mi invaetem yu blong serem testemoni blong yu abaot Jisas Kraes plante taem moa. …
Olgeta we oli filim wan samting olsem wan risal blong testemoni blong yu, maet afta bae oli Lod tru long prea blong konfemem trutok blong testemoni blong yu. Bae oli save save blong olgetawan.