Jisas Kraes I Paoa blong Ol Papa mo Mama
Samfala Pat
Semmak olsem Jisas Kraes i paoa blong ol yut, Jisas Kraes i paoa tu blong ol papa mo mama. …
Lav blong wan papa mo mama long wan pikinini i wan long ol paoa we i strong tumas long laef. Hem i wan long ol samting long wol ia we i save stap blong wan taem we i no save finis. …
Wan narafala paoa we yu gat, olsem wan papa mo mama, hem i janis ia blong stap olsem wan we i save mekem jenis long evri samting we i stap gohed evri dei. …
Nara wei we i gat paoa we God i sapotem ol papa mo mama hem i tru long presen ia we yu no save komperem long ol narawan, we i blong kasem revelesen blong yuwan. God i wantem tumas blong givim Spirit blong Hem blong lidim ol papa mo mama. …
Maet help we i moa impoten we Jisas Kraes i givim long ol papa mo mama hem i “bigfala jenis” blong hat. Hemia i wan merikel we yumi evriwan i nidim. …
Tru long glad hat blong Sevya, smosmol, bae yufala i developem ol fasin we ol papa mo mama oli nidim: lav blong God mo ol pikinini blong Hem, fasin blong gat longfala tingting, no stap selfis, fet long Kraes, mo strong paoa long tingting blong mekem ol joes we i stret mo gud. …
Wok blong yumi blong bildimap fet long Jisas Kraes i stap long hom, i lukluk moa long wanwan man. Mo Jos i sapotem. Antap long ol tabu skripja we oli givim mo ol toktok blong ol profet, Jos blong Sevya i givim plante risos blong helpem ol papa, mama mo pikinini blong mekem ol joes we i stret mo gud. …
Insaed long plan blong Papa long Heven, famli rilesensip i blong wan laef we i no save finis. Hemia nao from wanem, olsem wan papa mo mama, yu neva givap, iven sapos yu no hapi long olsem wanem sam samting i bin hapen long pas.
Wetem Jisas Kraes, Masta blong hilim man mo Sevya, i save gat wan niu stat oltaem; i gat hop oltaem.
Jisas Kraes i paoa blong ol famli[,] ol yut[, mo] ol papa mo mama.