Nambawan Stori blong Ista we Yu Neva Harem Bifo
Samfala Pat
?Olsem wanem nao yumi save soem tru long tijing mo fasin blong selebretem Laef Bakegen long Ded, blong Jisas Kraes, stori blong Ista, wetem semmak fasin, we i fulwan, mo ol tradisen we oli rij olsem taem ia we Jisas Kraes i bon i kam long wol, mo Krismes stori? …
… !Antap long hamas ol ves abaot Ista oli impoten insaed long Niu Testeman, yumi olsem ol Lata-dei Sent, we yumi kasem endaomen wetem presen blong Ista ia we i gud tumas bitim ol narawan! … Yes, mi stap tokbaot Buk blong Momon, moa speseli, hemia we i tokbaot stori blong Jisas Kraes we i kamkamaot long olgeta we oli stap laef long Niufala Wol, long glori blong Hem we i laef bakegen long ded. …
… Mitufala i hop blong mekem ol japta long 3 Nifae i kam wan bigfala pat blong Ista tradisen blong mifala semmak olsem long Luk 2 we i abaot Krismes tradisen. Wanem we i tru i we, Buk blong Momon i serem nambawan stori blong Ista we yu neva harem bifo. Bae yufala i no mekem i kam wan nambawan stori we bae yufala i neva tokbaot.
Mi invaetem yufala blong lukluk long Buk blong Momon tru long wan niufala laet mo tingting long bigfala witnes we hem i stap serem abaot Kraes we i girap bakegen we i tru, semmak long ol fulap rij samting abaot doktrin blong Kraes. …
Hem i visit olsem wan Sevya we i laef bakegen long ded, we God, Papa i introdiusum Hem, hemia i wan moa naesfala mesej blong Ista we i fulap long glori. Bae i helpem ol memba blong famli blong kasem wan testemoni blong olgeta wan abaot Jisas Kraes olsem Sevya mo Ridima, we i bin brekem ol rop blong ded.