Jisas Kraes Hem I Rilif
Samfala Pat
Wanwan long yumi i stap karem wan basket long toktok blong parabol. …
Basket ia long parabol, hem i ples we yumi stap karem ol hevi samting blong stap laef long wan wol we i foldaon. Ol hevi trabol blong yumi oli olsem ol ston long basket ia. …
Mi talemaot wetem glad se ol hevi trabol blong yumi blong wol ia, ol hevi ston ia long basket blong yumi ia, i no nidim blong filim hevi long hem.
Jisas Kraes i save mekem ol trabol ia i kam laet.
Jisas Kraes i save leftemap ol hevi trabol blong yumi.
Jisas Kraes i givim wan wei blong yumi blong kasem rilif aot long ol hevi blong sin.
Jisas Kraes i rilif blong yumi. …
?So from wanem yumi wantem gohed blong stap karem ol ston blong yumi yumiwan? …
Ol brata mo sista, mi no save go mekem miwan, mi no nidim blong mekem, mo bae mi no mekem. …
Olgeta we oli holemtaet ol kavenan oli gat blesing blong rilif blong Sevya. …
Fasin blong sakem sin, tru long Atonmen blong Jisas Kraes, hem i wanem we i givim rilif long yumi long hevi blong ol ston blong sin. …
Atonmen blong Jisas Kraes i mekem i posibol tu blong yumi blong kasem paoa blong fogiv, we i letem yumi blong kapsaetemaot ol hevi samting we yumi karem from fasin nogud we ol narawan i mekem long yumi.
?So olsem wanem nao Sevya i givim rilif long yumi long ol hevi trabol blong stap laef long wan wol we i foldaon, wetem ol bodi blong mit mo bun we oli mas filim harem nogud mo soa long bodi?
Plante taem, !Hem i givim kaen rilif ia tru long yumi! …
Blesing blong kavenan blong yumi i blong joen wetem Jisas Kraes blong stap givim rilif, long tugeta saed blong wol ia mo spirit, long evri pikinini blong God. …
Ol brata mo sista, Jisas Kraes Hem I rilif. … Rilif we i Hem i givim i no save finis.